काठमाडौं, ९ कार्तिक ।
आन्दोलनरत संघीय गठबन्धनसँग सत्तासाझेदार दल काँग्रेस र माओवादी केन्द्रले गरेको संविधान संशोधन गर्ने प्रस्ताव संसद्मा लैजाने सहमति कार्यान्वयन नगर्न व्यवस्थापिका संसदको बैठक छठ पर्वसम्मका लागि स्थगित गरिएको छ ।
आन्दोलनरत संघीय गठबन्धनले छठभन्दा अघि नै संविधान संशोधन विधेयक संसद्मा पेश गर्न सत्तारुढ दलहरू र सरकारलाई दबाव दिँदै आए पनि सत्तासिन पक्षले त्यसलाई बेवास्ता गरेको हो । संसद्मा विधेयक लैजानै पर्ने दबाव कम गर्न एमालेसहित प्रमुख तीन दलले अख्तियार दुरुपयोग अनुसन्धान आयोगका प्रमुख आयुक्त लोकमानसिंह कार्कीविरुद्धको महाअभियोग प्रस्तावउपरको छलफलसमेत छठसम्मका लागि स्थगित गरेका हुन् ।
संसद्को मंगलबारको बैठकमा कार्कीविरुद्ध महाअभियोग दर्ता भए पनि त्यसमा सुरु गरिएको छलफल स्थगन गरिएको हो । करिब दुई घन्टा मात्र संसद् बैठकमा छलफल गरिए पनि सांसदहरुले बोल्ने क्रम नसकिँदै महाअभियोग प्रस्ताव सिफारिस समितिमा पठाइएन ।
सभामुख ओनसरी घर्ती मगरले संसद् बैठक अब तिहार र छठपछि २५ गते बस्ने गरी स्थगित गर्नुभएकाले संविधान संशोधन विधेयक र महाअभियोग बारेको छलफल दुवै महत्पूर्ण एजेण्डा योजनावद्ध रोकिएको आशंका गरिएको छ ।
नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुक, ट्वीटर र युट्युवमा पनि पच्छ्याउन सक्नुहुनेछ ।
