दमक, ८ कार्तिक ।
नेकपा क्रान्तिकारी माओवादीका वरिष्ठ नेता सीपी गजुरेलले वर्तमान सरकार भ्रष्टहरूको सरकार भएको आरोप लगाउनुभएको छ ।
सोमबार साँझ झापाको दमकमा पत्रकारहरुसँग कुराकानी गर्दै नेता गजुरेलले भन्नुभयो –‘भ्रष्टाचारी लोकमानसिंह कार्कीलाई महाअभियोग लगाउन खुट्टा कमाउने काँग्रेस र माओवादी गठबन्धन सरकार आफैमा भ्रष्टहरूको साँठगाँठमा चलको पुष्टि भैसक्यो ।’ 
वर्तमान सरकार भारतीय इशारामा चलेको भन्दै गजुरेलले थप्नुभयो –‘सरकारको प्रधानमन्त्री पुष्पकमल दाहाल प्रचण्ड भए पनि चाबी भारती प्रधानमन्त्री नरेन्द्र मोदीले बोकेका छन् ।’ भारत भ्रमणका क्रममा प्रधानमन्त्री प्रचण्डले गरेका २५ बुँदे राष्टटट्रघाती सहमतीले यो भारतीय दलाल सरकार भएको पुष्टि भएको जिकिर गर्नुभयो ।
फरक प्रसङ्गमा नेता गजुरेलले संविधान संशोधन मधेसी दलहरुको नभइ भारतीय इच्छा चाहना भएको जिकिर गर्नुभयो । संविधानसभाभित्र ९० प्रतिशत बहुमतले ल्याएको भनिएको संविधान घोर जनविरोधी र पश्चगामी रहेको उहाँले टिप्पणी गर्नुभयो । याथास्थितिमै संविधानको स्वीकार्यता आफूहरूलाई मान्य नभएको भन्दै गजुरेलले यो संविधान खारेज भए जनताले राहत पाउने दावी गर्नुभयो ।
पूर्व राजाको पछिल्लो कदम शंकास्पद देखिएको भन्दै गुजरेलले वर्तमान ठूला दलहरूको जनताप्रतिको बेवास्ताले संशय उत्पन्न गरेको ठोकुवा गर्नुभयो । तर, अहिलेकै अवस्थामा राजतन्त्र फर्कने सम्भावना नरहेको उहाँले दावी गर्नुभयो ।
नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुक, ट्वीटर र युट्युवमा पनि पच्छ्याउन सक्नुहुनेछ ।
