झापा, ६ कार्तिक ।
झापाको दमकमा डेंगु रोगको संक्रमणले माहामारीको रूप लिएसँगै रोकथामका लागि लागि विशेष अध्ययन टोली परिचालित भएको छ । 
रोगको संक्रमण नै फैलने खतरा बढेसँगै धरानस्थित विपि कोइराला स्वस्थ्य विज्ञान प्रतिष्ठानले चिकित्सक टोली परिचालन गरेर अध्ययन थालेको हो । जिल्ला जनस्वस्थ्य कार्यालय झापाको संयोजनमा पाँच सदस्यीय चिकित्सकहरूको अन्तर्राष्ट्रिय अध्ययन टोली दमकमा खटाइएको हो ।
इन्ष्टिच्युट अफ ट्रपिकल मेडिसिन बेल्जियमका डाक्टर बार्ट अस्टिनसहितको टोलीले शनिबारबाट दमकका विभिन्न अस्पतालमा उपचाररत डेंगु संक्रमित बिरामीहरू भेटेर अध्ययन सुरु गरेको हो । उक्त टोलीले अझैँ केही दिन दमकमै रहेर अध्ययन गर्ने जनस्वास्थ्य कार्यालय झापाका डेंगु रोग फोकल पर्सन जिवन चौलागाईले जानकारी दिनुभयो ।
दमकमा शनिबारसम्म ३५ जना डेंगु रोगबाट संक्रमित फेला परेका जिल्ला जनस्वास्थ्य कार्यालयको भनाइ छ । डेंगु रोकथामका लागि दमक आउनुभएका विपी स्वास्थ्य विज्ञान प्रतिष्ठान धरानका माहामारी रोग विषेशज्ञ डा. सुरेन्द्र उरावका अनुसार दमकमा डेंगुबाट संक्रमित विरामिको संख्या ह्वात्तै बढ्दै जान सक्ने खतरा छ । डेंगुको रोगथामका लागि सबै जान सचेत हुन जरुरी रहेको उहाँले बताउनुभयो ।
नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुक, ट्वीटर र युट्युवमा पनि पच्छ्याउन सक्नुहुनेछ ।
