काठमाडौं, ६ कार्तिक ।
नेकपा माओवादी केन्द्रका नेता गोपाल किरातीले पार्टीको केन्द्रीय कार्यालयबाट राजीनामा गर्नुभएको छ ।
लामो समय पार्टी र शीर्ष तहका नेताहरूको कार्यशैलीप्रति असन्तुष्टि राख्दै आउनुभएका किरातीले पार्टीको हाइकमाण्डलाई सच्याउने भन्दै राजीनामा गरेको सञ्चार माध्यमहरूलाई बताउनुभएको छ । 
विशेषतः संविधानमा किरात स्वायत्त राज्यसहितको संघीय प्रदेश नसमेटिएकोप्रति उहाँले पार्टीभित्र पटक पटक असन्तुष्टि व्यक्त गर्दैआउनुभएको निकट स्रोतको भनाइ छ । केही समयअघि किरात राज्यका निम्ति भन्दै अभियान थाल्ने बारे किराती आफैले नेतृत्व गरेर राजधानीमा पार्टीभित्रका राई नेताहरूको भेला डाकेको खबरले पेरिसडाँडा र बालुवाटारमा समेत खैलाबैला मच्चिएको थियो ।
किरातीले पार्टीमा अध्यक्ष प्रचण्ड बाहेक सबै नेताहरूलाई एक तह घटुवा गर्नुपर्ने आफ्नो माग रहेको बताउनुभएको छ । तर, माग पूरा नभए पार्टी नै छोड्ने नछोड्ने बारे भने केही खुलाइएको छैन । उहाँलाई पार्टीभित्रको निक्कै हटी र सन्काहा नेताका रूपमा चिनिन्छ ।
नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुक, ट्वीटर र युट्युवमा पनि पच्छ्याउन सक्नुहुनेछ ।
