काठमाडौं, ४ कार्तिक ।
आपतकालीन राहत कोष वृद्धिका लागि भन्दै तमु धी दक्षिण कोरियाले नेपाली कथानक चलचित्र झुम्कीको च्यारेटी शो सम्पन्न गरेको छ । 
राहत कोष वृद्धि गर्ने उद्देश्यले राजधानी सोउलमा गरिएको च्यारिटी सो कार्यक्रमका बीच झापाका गजलकार निहाङ किराती को बुकी गजल संग्रह विमोचनसमेत गरिएको थियो ।
कार्यक्रमका प्रमुख अथिति दक्षिण कोरियास्थित नेपाली दूतावासका श्रम सहचारी देवराज भट्टराई र नेपाल आदिवासी जनजाति महासंघ दक्षिण कोरियाका अध्यक्ष चित्र मोक्तानले संयुक्त रूपमा कृतिको विमोचन गर्नुभएको थियो ।
पवन चाम्लिङ राईका अनुसार तमु धीका अध्यक्ष प्रदिप गुरुङको अध्यक्षतामा भएको कार्यक्रममा विभिन्न जातिय संघसंस्थाका प्रतिनिधिलगायत कार्यक्रममा सहभागी थिए ।
नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुक, ट्वीटर र युट्युवमा पनि पच्छ्याउन सक्नुहुनेछ ।
