विपन उलाङ्गे
मलेसिया । बिगत केही वर्षदेखि हाँस्यकलाकारितालाई आफ्नो मुख्य धार बनाई अघि बढिरहेका कलाकार सुजन न्यौपानेले दशैको मौका पारी आफ्नो अर्को व्यङ्ग्यात्मक कोसेली ‘हाम्रो नेपालमा’ सार्वजानिक गरेका छन् । चर्चाको लागि जे पनि गर्नेदेखि मर्नेसम्मको हर्कत गर्नेहरूलाई व्यङ्ग्य गर्दै दशैंको अवसरमा कलाकार सुजनले गीत सार्वजनिक गरेका हुन् । हाँस्यव्याङग्यात्मक शैलीको उक्त गीतमा शब्द सुजन स्वयंले गरेका छन् भने रन्जितबाबू बराल ‘समर्पण’ले संगीत भरेका छन् । उदयमान गायिका सुमित्रा काफ्ले र सुजन स्वयंले स्वर दिएका छन् ।
गीतको म्युजिक भिडियो पनि बनिसकेको छ । भिडियोलाई मदन खड्काले निर्देशन गरेका छन् भने सम्पादन विकास ज्ञवाली र छायाङ्कन टंक केसीले गरेका छन् । रोचक र घोचक हाँस्यव्याङ्ग्यात्मक उक्त गीतमा मोडेल अनिता बस्नेत र हाँस्यकलाकार उज्जवल गिरीले आफ्नो अभिनयबाट गीतलाई न्याय दिएका छन् । गीतको उत्पादक तथा बितरक टि टाइम म्युजिक प्रालिले गरेको छ ।
साथै हास्यकलाकारितालाई अङ्गालेका सुजन अहिले मलेसियामा छन् । मलेसियामा छायाङ्कन हुने प्रायःजसो गीतहरूमा आफ्नो ब्यस्ता बढाएका छन् भने प्रख्यात व्यक्तिहरूको क्यारिकेचर गरेर स्टेजमा पनि लोकप्रिता बटुल्दै आएका छन् ।
नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुक, ट्वीटर र युट्युवमा पनि पच्छ्याउन सक्नुहुनेछ ।
