काठमाडौं, २१ असोज ।
विश्व मानसिक दिवसको अवसरमा देखि मानसिक तथा मनोसामाजिक सुस्वास्थ्यका लागि राष्ट्रिय अभियान बिहीवारदेखि सुरु भएको छ । 
स्वास्थ्य मन्त्रालयमा आयोजिक कार्यक्रमका बीच स्वास्थ्यमन्त्री गगन थापाले अभियान शुभारम्भ गर्नुभएको हो । मानसिक स्वास्थ्य क्षेत्रमा क्रियाशील अमृता फाउण्डेशन नेपाल र प्रथम पाइला राष्ट्रिय मासिकको संयुक्त आयोजनामा अभियान सुरु भएको हो ।
‘प्राथमिक मनोवैज्ञानिक सहयोग’ भन्ने नाराका मनाउन लागिएको यस वर्षको विश्व मानसिक दिवसको अवसरमा सुरु भएको अभियानमा बिरामीहरुलाई मनोपरामर्श अभियान चलाउने, पोषण परामर्श सेवा, मनोचिकित्सा सेवा, संगीतबाट उपचार गर्ने अभियान, पारिवारिक एवं वैवाहिक मनोपरामर्श तथा मानसिक स्वास्थ्यसम्बन्धी चेतनामूलक कार्यक्रम आयोजना गरिने आयोजकले जनाएको छ ।
विश्वमा ४५ करोड र नेपालमा हाल ५० देखि ६० लाख कुनै न कुनै किसिमका मनोरोगी रहेको फाउण्डेशनले जनाएको छ । ठूलो संख्यामा मनोरोग भए पनि स्वास्थ्यको वार्षिक बजेटमा भने ०.५ प्रतिशतमात्र बजेट बिनियोजन गरिनुले मानसिक स्वास्थ्यका विषय उपेक्षामा परेको सरोकारवालाहरुको गुनासो छ ।
नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुक, ट्वीटर र युट्युवमा पनि पच्छ्याउन सक्नुहुनेछ ।
