आमा ! म उठ्दिन होला - Naya Online

आमा ! म उठ्दिन होला

सुरेश यक्सोsures-yakso


म सँगै सुत्ने साथी
गाऊ गएर, घरजम गर्छु भन्थ्यो
आफ्नै देशमा पसिना बगाएर
परिवार पाल्छु भन्थ्यो
बरू ढिडैं खान्छु
बिदेश त मरिकाट्टे फर्किन्न भन्थ्यो
तर कठै ! बिहान उठ्दै उठेन आमा |

महिनादिन भो
टाउको चरचर्ती दुखेको
ढाँड सजिलो गरी बस्न दिंदैन
भोक निन्द्रा कता हरायो कता
मालिक जहिले कामै थोर भो भन्छ
सारै कमजोर भा’ छु, आमा
धामीझाक्री, कुलपूजा, भाकल जे गर्छेऊ गरिदेऊ
एे आमै हऊ ! चांडो गर्देऊ
यसपालि त म सङ्लै फर्किन्न होला |

घरिघरि साथीले
ढोका ढक्ढकाए जस्तो गर्छ
उसै गरी हिंडेको सुन्छु
सपनामा ओरालो गा’ को मात्र देख्छु
स्‍मृतिमा मात्र रहेका बा ले
हाँस्दै, मासु नै मासुको परिकार
अनि दरबार जत्रो घर बनाएर
‘छोरा चांडै अाइज’ भनेको देख्छु
मन साह्रै हलुङ्गो भा’ छ
आमा ! म उठ्दिन होला |

घरमा हुँदा पनि दु:ख मात्रै दिएं
आधी मासू बनाइस् भन्थ्यौ
तिम्ले भनेको कहिल्यै मानिन
मेरै पीरले खिरिलो भयौ
आधा निद, आधा पेट काटेर खुवाएको
पापै पो लाग्छ कि ?
यसपालि ढाका सारी र नौ गेडी जोडिदिउला
तर आमै ! समाचार उठ्दै उठेन भनेको मात्र सुन्छु
मन त्यसै भांचिएको छ
आमा ! म पनि उठ्दिन होला |

उठिन भने
मेरो नास्रो लाग्ला
दाजूभाईलाई हेरेर चित्त बुझाउनु
नातिनातिनीको नास्रो लागे
भतिजभतिजि, भान्जाभान्जी हेरेर चित्त बुझाउनु
बेकामे म, मलाई सम्झेर
नरोई बस है आमा |

उठ्ने प्रयास गरुम्ला
उठ्नै सकिनँ भने
यसले केही गर्न चाहेंन
मेरो रहरहरू कहिल्यै पूरा गरेन नभनेस्
बाँच्दा पनि सुख दिएन
अब मर्दा पनि सुख दिएन भन्दै
कस्तोलाई जन्म दिएछु भनेर
चित्त नदुखाउ है आमा
त्यती गरे
बाकस खोलेर हेरेऊ भने पनि
म हाँसिरहेको हुनेछु |

नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुकट्वीटर र युट्युवमा पनि पच्छ्याउन सक्नुहुनेछ ।



सम्बन्धित शीर्षकहरु

साहित्यको माध्यमबाट महिला, बालबालिका तथा विश्व वातावरण संरक्षणको पक्षमा काम गर्न सकिन्छः मन्त्री चौधरी

काठमाडौं । महिला, बालबालिका तथा ज्येष्ठ नागरिक मन्त्री भगवती चौधरीले साहित्यको माध्यमबाट महिला, बालबालिका...

राइफलको नालबाट जीवन नियाल्दा सार्वजनिक

काठमाडौँ । युद्धसाहित्यकार गणेश राईको नवौँ कृति ‘राइफलको नालबाट जीवन नियाल्दा’ संस्मरणात्मक उपन्यासको दोस्रो...

समयको कठघरामा

उमेरका खुड्किलाले तला थप्दै जाँदा प्रश्नहरूको चेपुवामा चेपिदै गएकी तल्लाघरे साइली उभिएकी छिन् समयको...

समयले डोरिएको छत्रबहादुर दम्पतीको जीवन

देवेन्द्र सुर्केली भक्तपुर जिल्लाको व्यस्त चोक गट्ठाघर । त्यसको २५ मिटर उत्तरदेखि झण्डै १०,१५...

अन्तर्राष्ट्रिय परदेशी साहित्यिक समूहद्वारा प्रकाशित परदेशी विम्बहरू… लोकार्पित

धरान । अन्तर्राष्ट्रिय परदेशी साहित्यिक समूहले पुस्तक लोकार्पण, परिचर्चा, सृजना बाचन तथा पुरस्कार सम्मान...

जेबी दर्लामीको उपन्यास ‘मारीखोलाको ढुंगो’ सार्वजनिक

काठमाडौंबाहिर बसेर लेखन कर्ममा सक्रिय जेबी दर्लामीको उपन्यास ‘मारीखोलाको ढुंगो’ सार्वजनिक भएको छ। लेखक...

बेलबारीमा गोविन्द हुक्पा चोङबाङको ‘मायाको सृष्टि’ विमोचित

मोरङ । बेलबारी नगरपालिकाका मेयर दिलप्रसाद राईले तेश्रो पटक धाननाच्न पुगेको स्मरण गरेका छन्...

विक्रम याक्खाको ‘झुटकाे पुलिन्दा’ लघुकथा सङ्ग्रह लोकार्पण

काठमाडौं । लघुकथा समाज नेपाल काेशी प्रदेशले आज राजधानीमा आयाेजना गरेकाे लघुकथा विमाेचन कार्यक्रममा...

प्रवीण पुमाको सुम्निमा नाटकमा मिथक

आनन्दबहादुर राई १ परिचय नाट्यकर्मी प्रवीण पुमाको सुम्निमा नाटक सर्वप्रथम विं सं. २०५० मा...

रचनाले न्याय पाएपछि…..

देवेन्द्र सुर्केली जब नेपाली चलचित्र जारीको टिजर सार्वजनिक भयो, तब बेलबारी मोरङ निवासी गोविन्द...