दमक,१४ असोज ।
नेपाल प्रेस युनियन माईपश्चिम क्षेत्रीय समिति दमकले शुक्रबार बडा दशैं, तिहार लगायत चाडपर्वको उपलक्ष्यमा शुभकामना आदन प्रदान कार्यक्रम गरेको छ । 
पत्रकार मञ्चको कार्यालयमा सम्पन्न कार्यक्रममा बोल्दै प्रमुख अतिथि अग्रज पत्रकार गञ्जबहादुर दाहालले दशैंले सबैमा एकताको भावना बढेर जान सकेमात्र यस्ता चाडपर्वको महत्व बढ्ने बताउनुभयो । ईलाका प्रशासन कार्यालय दमकका प्रमुख बासुप्रसाद कोईरालाले दशैंको अवसरमा हुन सक्ने विकृति नियन्त्रण गर्न सवै क्षेत्रबाट खबरदारी हुनु पर्ने जिकिर गर्नुभयो । प्रशासनले स्थानीय क्षेत्रमा हुन सक्ने अपराधका घटना न्यूनीकरणका लागि प्रभावकारी सुरक्षाको प्रवन्ध गरेको उहाँको भनाइ थियो ।
कार्यक्रममा नेपाली कांग्रेस सम्बद्ध नेताहरू, संघीय प्रेस फोरमका केन्द्रीय उप¬महासचिव कमन देवान, प्रेस सेन्टर झापा अध्यक्ष टिकाराम उप्रेती, प्रेस युनियन झापा सचिव गिरिराज भट्टराई, प्रेस चौतारी झापा उपाध्यक्ष मन कुमार गदाल, हिम शिखर टेलिभिजनका अध्यक्ष धु्रव न्यौपाने, पत्रकार मञ्च दमकका अध्यक्ष बिष्णु पोखरेल, नेपाल रेडक्रस सोसाईटी दमक उपशाखाका सभापति लिला गुरागाईं लगायतले दशैंको शुभकामना व्यक्त गरेका थिए । यूनियनका क्षेत्रीय सभापति बिष्णु सुब्बाको अध्यक्षतामा कार्यक्रम सम्पन्न भएको थियो ।
नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुक, ट्वीटर र युट्युवमा पनि पच्छ्याउन सक्नुहुनेछ ।
