सन्देश सुब्बा
फिदिम नगरपालिका–८ चोकमागुमा रहेको पारुहाङ प्राथमिक विद्यालयको लागि सोही विद्यालयका पूर्व प्रधानाध्यापक धन कुमारी थोक्लिहाङ र उनका श्रीमान रुद्र कुमार तुम्बापोले ५० हजारको अक्षयकोष स्थापना गरिदिएका छन् ।
फिदिम नगरपालिका–४, गढी स्थाई ठेगाना भई हाल युकेमा रहेका उनीहरुले विद्यालयमा अध्ययनरत गरीब तथा जेहेन्दार विद्यार्थीलाई प्रोत्साहन स्वरुप वर्षेनी पुरस्कृत गर्ने गरी सो अक्षयकोष स्थापना गरेका हुन् । त्यस्तै थोक्लिहाङकै अगुवाइमा युकेमा रहेका नेपालीहरुबाट संकलन गरी ८० हजार नगद समेत विद्यालयलाई सहयोग प्रदान गरेको विद्यालयका प्रधानाध्यापक राज कुमारी नेम्बाङले बताइन् ।
सहयोग स्वरुप प्राप्त भएको सो ८० हजारले विद्यालयको लागि फर्निचरका सामग्री खरिद गरिएको पनि प्रधानाध्यापक नेम्बाङले जानकारी दिइन् । यसै बीच सहयोग गर्ने पूर्व प्रधानाध्यापक थोक्लिहाङ प्रति विद्यालय परिवारले धन्यबाद ज्ञापन गरेको छ ।
नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुक, ट्वीटर र युट्युवमा पनि पच्छ्याउन सक्नुहुनेछ ।
