काठमाडौं । दुवै मृगौला फेल भएर उपचार गराइरहेका एक युवकलाई किरात याक्खा छुम्मा केन्द्रीय समितिको रोहबरमा आर्थिक सहयोग उपलब्ध गराइएको छ ।
छुम्मा केन्द्रीय समितिको रोहबरमा मृगौला फेलभइ उपचाररत २२ वर्षीय सुकुनराज हेङ्वालाई किरात याक्खा छुम्मा हङकङ र युके शाखाले करिब नौ लाख रूपैया“ आर्थिक सहयोग गरेको हो । आर्थिक रूपले विपन्न हेङ्वालाई संस्थाको पहलमा उपचारका सहयोग जुटाइएको किरात याक्खा छुम्माका अध्यक्ष लिलबहादुर रोगुले जानकारी दिनुभयो ।
उपचारका लागि अत्यावश्यक भएकाले हङकङबाट संकलित छ लाख ३६ हजार नौ सय १० रूपैया“ रकम यसअघि नै बिरामीलाई उपलब्ध गराइएको छुम्मा हङकङकी उपाध्यक्ष लीला देवानले जानकारी दिनुभयो । छुम्माको युके शाखाबाट प्राप्त एक लाख ८९ हजार भने आज छुम्मा केन्द्रीय कार्यालय महालक्ष्मीस्थानमा एक कार्यक्रमका बीच हस्तान्तरण गरिएको हो । आफ्नो आर्थिक अवस्था कमजोर भएकाले सहयोग गरिदिन पीडित हेङ्वाले अपिल गरेका छन् ।
हेङ्वाको श्रीमती र दुई नाबालक छोरीहरू रहेका छन् । उनको उपचार मानव अङ्ग प्रत्यारोपण केन्द्र भक्तपुरमा भइरहेको छुम्माले जनाएको छ । उनको सहयोगका लागि एनआईसी एसिया बैंकको ग्वार्को शाखामा २६५४४४०५९९५२४००१ खाता नम्बर रहेको सुकुनराज हेङ्वा नाउ“मा बैंक खाता खोलिएको छ ।
नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुक, ट्वीटर र युट्युवमा पनि पच्छ्याउन सक्नुहुनेछ ।
