दाङ, २८ असार । सात वर्षीय बालकको हँसिया प्रहार गरी वीभत्स तरिकाले हत्या गरी फरार भएकी महिलालाई प्रहरीले पक्राउ गरेको छ ।
विजौरी–२ निवासी ७ वर्षीय दीपक खत्रीको घरभित्रै हँसिया प्रहार गरी गत शुक्रबार साँझ वीभत्स हत्या भएको थियो ।
दाङ जिल्ला प्रहरी प्रमुख धीरजप्रताप सिंहले हत्यापछि फरार अभियुक्त दीपककै फुपू २६ वर्षीया गौतमी खत्रीलाई प्रहरीले आइतबार राति घोराहीबाट पक्राउ गरेको हो ।
जिल्ला प्रहरी कार्यालयको विशेष टोलीले लुकिछिपी बस्दै आएकी गौतमी खत्रीलाई घोराहीबाट पक्राउ गरेको हो । पक्राउ परेकी अभियुक्तसँग हत्याको बारेमा सोधपुछ सुरु गरिने प्रहरीले बताएको छ ।
दीपकका अभिभावकसहित परिवारका सबै सदस्य खेतमा रोपाइँ गर्न गएको समयमा नजिकै घर भएकी फूपु आएर दीपकको टाउको, घाँटी र पेटमा हँसिया प्रहार गरी हत्या गरेको एसपी सिंहले जानकारी दिनुभयो ।
नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुक, ट्वीटर र युट्युवमा पनि पच्छ्याउन सक्नुहुनेछ ।
