सुन्दर आले
काठमाडौं । नेपाल मगर संघ बुढानिलकण्ठ नगर समितिको पहलमा काठमाडौं जिल्लाको बुढानिलकण्ठ नगरपालिका अन्तर्गत रहेका मगरहरु बुढानिलकण्ठ मगर समाजमा संगठित भएका छन् । खासगरी त्यहाँ रहेका मगरहरु बिचमा हरेक दु:ख सुखहरुमा ऐक्यबद्धता जनाउदै आर्थिक, सामाजिक र पारिवारिक सम्बन्धहरूलाई पनि अझ मजबुत पार्नको लागि कोषको स्थापना पनि गरिएको छ ।
नेपाल मगर संघ काठमाडौँका अध्यक्ष डबबहादुर पुन मगरको प्रमुख आतिथ्य र चन्द्र बहादुर श्रीस मगरको बिशेष आतिथ्यमा सम्पन्न उक्त भेलाले नारायण राना मगर अध्यक्ष, प्रदिप थापा मगर सचिव तथा नारायण थापा मगर कोषाध्यक्ष रहने गरि बुढानिलकण्ठ मगर समाज गठन गरेको हो । उक्त भेलामा नेपाल सरकारका उच्च अधिकारीहरु (निजामति, सेना र प्रहरी), विभिन्न राजनैतिक पार्टीमा आवद्ध मगर नेताहरु, ब्रिटिश सेना र सिंगापुर प्रहरीका अधिकृतहरु, ब्यबासायी, शिक्षक, बिद्यार्थी त्यहाँ रहेका सबै खाले मगरहरुको उपश्थिति रहेको थियो ।
नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुक, ट्वीटर र युट्युवमा पनि पच्छ्याउन सक्नुहुनेछ ।
