काठमाडौं, असार २० । शेर्पा किदुक मलेसियाको सहयोगमा शेर्पा सन्चार समूह नेपालले आयोजना गरेको ५ दिने समाचार लेखन तालिम आज सम्पन्न भएको छ ।
असार १५ बाट सुरु भएको तालिम आदिवासी जनजाती पत्रकार महासंघ (फोनिज) का महासचिव गजुरधन राईको प्रमुख अतिथ्यमा समापन भएको थियो । समापन कार्यक्रममा बोल्दै प्रमुख अतिथि राईले पत्रकार भनेको समाचार लेख्ने, आवाजको माध्यमबाट समाजमा भए गरेका घटनाहरुलाई जनता सामु पुर्याइ समाज परिर्वतन गर्नै माध्यम भएको उल्लेख गर्दै अझै आदिवासी जनजातिहरु राष्ट्रिय संचार माध्यमहरुसम्म जनजातीहरु पुग्न नसकेको औलाए । राईले शेर्पा समुदायबाट राष्ट्रिय संचार माध्यममा न्युन मात्रमा सहभागी रहेको पनि बताए। अहिले शेर्पा संचार समुह नेपाल आदिवासी जनजाती पत्रकार महासंघको सस्थागत सदस्य भएकोले शेर्पा युवाहरुलाई संचार क्षेत्रमा लाग्न उत्प्रेरित गर्नका लागि विभिन्न तालिमहरु गर्दै आएकोमा खुसी व्यक्त समेत गरे ।
त्यसैगरि पत्रकार महासंघका महासचिव उजिर मगरले पत्रकारीता पेशामा जनजातीहरु कमै मात्रमा लागि परेको उल्लेख गर्दै तालिम लिएर मात्र नहुने त्यसलाई व्यवहारमा पनि उर्तान सक्नु पर्ने बताए। त्यसैगरि शेर्पा संचार समुह नेपालको अध्यक्ष डोमा शेर्पाले शेर्पा समुदायमा रहेका युवाहरुलाई राष्ट्रिय संचार माध्यमसम्म पु¥याउनलाई प्रयास गरिरहेको बताइन । उनले यो तालिम शेर्पा समुदायमा समाचार लेखनमा धेरै त्रुटिहरु आएकाले गर्दा तालिम संचालन गरेको बताइन । ५ दिन सम्म संचालित तालिममा पत्रकार महासंघका महासचिव उजिर मगरले प्रशिक्षण गराएका थिए। शेर्पा संचार समुह नेपालले शेर्पा पत्रकारहरु उत्पादन गर्नका लागि विभिन्न चरणमा तालिमहरु प्रदान गर्दै आइरहेको छ ।
नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुक, ट्वीटर र युट्युवमा पनि पच्छ्याउन सक्नुहुनेछ ।
