टावर निर्माणमा अवरोध गर्ने पक्राउ - Naya Online

टावर निर्माणमा अवरोध गर्ने पक्राउ

सिन्धुली, १८ असार । निर्माणाधीन खिम्ती–ढल्केबर २२० केभी प्रसारण लाइनअन्तर्गत सिन्धुली खण्डमा निर्माण कार्यमा अवरोध खडा गर्ने १० जनालाई प्रहरीले पक्राउ गरेको छ ।

आज हाइटेन्सनको टावर निर्माण गर्ने क्रममा स्थानीयवासीले अवरोध गरेपछि उनीहरुलाई पक्राउ गरिएको जिल्ला प्रहरी कार्यालय सिन्धुलीले जनाएको छ ।

पक्राउ पर्नेमा कमलामाई नगरपालिका–७ बर्देउटार निवासी मनोजबहादुर प्रधान, नारायण थापा, चन्द्रबहादुर विक, मदनकुमारी प्रधान, रमेशकुमार प्रधान, हेमशङ्खर विक, अम्बिका थापा, सानुमाया राजभण्डारी, गणेश कार्कीलगायतका रहेको जिल्ला प्रहरी कार्यालय सिन्धुलीले जनाएको छ ।

टावर निर्माण कार्यमा अवरोध भएपछि उनीहरुलाई पक्राउ गरी आवश्यक थप अनुसन्धान भइरहेको जिल्ला प्रहरी कार्यालय सिन्धुलीका प्रहरी नायब उपरीक्षक श्यामकुमार सारुमगरले जानकारी दिनुभयो । उनीहरुले निर्माण कार्यमा खटिएका कर्मचारीहरुलाई गालीगलौज गर्ने, कुटपिट गर्ने, धम्की दिँदै लाठीले घोच्ने गरेका कारण पक्राउ गरिएको उहाँले जानकारी दिनुभयो ।

उक्त घटनाबारे आवश्यक अनुसन्धान भइरहेको र २४ घन्टाभित्र छलफलमा आई निर्माण कार्यमा अवरोध नगर्ने प्रतिबद्धता जाहेर भएपछि मात्र छाडिने प्रहरीले जनाएको छ ।

यदि खिम्ती–ढल्केवर २२० केभी प्रसारण लाइन निर्माण आयोजना समितिले उनीहरुविरुद्ध निवेदन दिएमा तत्कालै कानुन बमोजिम कारबाही गर्ने प्रहरी नायब उपरीक्षक मगरले जानकारी दिनुभयो । २४ घन्टासम्म छलफलमा नआएमा विकास निर्माण कार्यमा अवरोध गर्नेलाई प्रहरीले सार्वजनिक अपराध ऐनअन्तर्गत मुद्दा चलाउन सक्ने बताइएको छ ।

यता प्रमुख जिल्ला अधिकारी ताराबहादुर कार्कीले विकास निर्माण कार्यमा अवरोध गर्नेलाई कानुन बमोजिम कारबाही गर्ने बताउनुभएको छ । राज्य कमजोर बनेर विकास विरोधीको मनोवल बढाउने कार्यमा राज्य नझुक्ने बताउँदै विकास निर्माणको प्रक्रिया सञ्चालन रहेको समेत जानकारी दिनुभयो ।

अहिले सबै टावरको निर्माण कार्य सम्पन्न भएको र एउटा टावरको निर्माण कार्यमा अवरोध गर्नेलाई पक्राउ गरिएको र राज्यले नियमन गरेरै भए पनि १० वर्षदेखि निर्माण हुन नसकेको खिम्ती–ढल्केबर २२० केभीको निर्माण कार्य आफू आएदेखि सञ्चालन भएको भन्दै प्रजिअ कार्कीले यस आयोजना निर्माण कार्य सम्पन्न गराएरै छाड्ने दाबी गर्नुभयो ।

केही स्थानीयवासीले भने जसरी पनि निर्माण कार्य रोक्ने एउटै आफ्नो उद्देश्य रहेको बताउँदै आएको प्रजिअ कार्कीको भनाइ छ ।

केही स्थानीयले भने जग्गा भोगचलनको क्षेत्रफल छुट्याइदिनुपर्ने, निर्माण कार्य रोकी पुनः सर्भे गर्नुपर्ने माग गर्दै बेलाबेलामा अवरोध गर्दै आएका छन् ।

राज्यले दमन गरेर विकास निर्माणको काम गरेको भन्दै विरोध गर्ने केही व्यक्तिलाई यसअघि पक्राउ गरी सार्वजनिक मुद्दा चलाउने प्रक्रियामा पुगेपछि पक्राउ परेकाले निर्माण कार्यमा अवरोध नगर्ने प्रतिबद्धता जनाएपछि छाडिएको थियो ।

नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुकट्वीटर र युट्युवमा पनि पच्छ्याउन सक्नुहुनेछ ।



सम्बन्धित शीर्षकहरु

दुतावासको सहयोग र पिएनसीसीको समन्वयमा दुई नेपालीको उद्धार

जेडी गाउँले क्वालालम्पुर । मलेसियास्थित नेपाली राजदूतावासले दुईजना पीडित नेपाली श्रमिकको उद्धार गरि नेपाल...

फोनिजद्वारा प्रदेशस्तरीय पत्रकार महिलाहरुको प्रथम भेला तथा क्षमता विकास सचेतना कार्यक्रम

इटहरी । नेपाल आदिवासी जनजाति पत्रकार महासंघ (फोनिज) प्रदेश कार्यसमितिको आयोजनामा प्रदेशस्तरीय पत्रकार महिलाहरुको...

अन्तर्राष्ट्रिय परदेशी साहित्यिक समूहद्वारा प्रकाशित परदेशी विम्बहरू… लोकार्पित

धरान । अन्तर्राष्ट्रिय परदेशी साहित्यिक समूहले पुस्तक लोकार्पण, परिचर्चा, सृजना बाचन तथा पुरस्कार सम्मान...

‘मेरो जीवनयात्रा’को विमोचन, ८४ बर्षमा ल्याए थाम्सुहाङ्ले आफ्नो आत्मपरक कृति

पाँचथर । ७ बैशाख २०८१ शुक्रबार । देवमान थाम्सुहाङ्द्वारा लिखित ‘मेरो जीवनयात्रा’ कृतिको विमोचन...

किरात याक्थुङ चुम्लुङ लिसापको २०औँ स्थापना दिवस मनाइयो

पाँचथर । ५ बैशाख २०८१ बुधबार । लिम्बू सांस्कृतिक परिषदको २०औँ स्थापना दिवस मनाइएको...

आध्यात्मिकताले खराबी गर्दैन समाजको शुद्धीकरण गर्छः मन्त्री चौधरी

सुनसरी, ३ वैशाख । महिला, बालबालिका तथा ज्येष्ठ नागरिक मन्त्री भगवती चौधरीले सुनसरीको धार्मिक...

‘चे’ अर्थात् ‘लास’ बजारमा आउँदै

काठमाडौ । ३ बैशाख २०८१ सोमबार । लिम्बू कथानक चलचित्र ‘चे’ को छायांकन सकिएको...

धादिङको थाक्रे गाउँपालिका वडा नं ३ झण्डाचुलीमा झण्डातोलन कार्यक्रम सम्पन्न

धादिङ । धादिङको थाक्रे गाउँपालिका वडा नं ३ को झण्डाचुलीमा नेपालको राष्ट्रिय झण्डातोलन कार्यक्रम...

शिक्षाको गुणस्तर सुधार गर्न आधारभूत तहबाटै थालनी गर्नुपर्छः मन्त्री चौधरी

काठमाडौँ, ३० चैत । महिला, बालबालिका तथा ज्येष्ठ नागरिकमन्त्री भगवती चौधरीले शिक्षामा गुणस्तरीयता ल्याउन...

नयाँ वर्षमा सुगुप काकरभिट्टामा प्रदर्शन हुँदै

विराटनगर । चलचित्र सुगुप नेपाली नयाँ वर्ष २०८१ को अवसर पारेर किरात याक्थुङ चुम्लुङ...