काठमाडौँ, १४ असार । महिला अधिकारकर्मी बन्दना राणाले महिलामाथि हुने सबै प्रकारका भेदभाव अन्त्य गर्ने संयुक्त राष्ट्रसङ्घीय समिति (सिड)मा आफू निर्वाचित हुनुमा सबै नेपालीको जित रहेको बताउनुभएको छ ।
सञ्चारिका समूहले आज यहाँ आयोजना गरेको सम्मान कार्यक्रममा उहाँले अबका दिनमा लैङ्गिक समानता र सशक्तीकरणका लागि काम गर्न थप सहयोग पुग्ने विश्वास दिलाउनुभयो ।
महिला अधिकारका क्षेत्रमा नेपालमा भएका सकारात्मक उपलब्धि र स्थानीय तहका घटनालाई विश्वव्यापी बनाउन समितिमा आफ्नो उपस्थिति महत्वपूर्ण हुने उहाँले बताउनुभयो ।
सिड समितिको सदस्यका लागि गत जुन २१ तारिखमा भएको निर्वाचनमा राणाले १०६ मत ल्याउँदै ११ जनामा स्थान हासिल गर्नुभएको थियो । यो समितिको सदस्य पदमा निर्वाचित हुने नेपालको पहिलो महिला बन्नुभएकी राणा सन् २०१७ देखि २०२० सम्म वर्षसम्म समितिमा रहेर काम गर्नुहुनेछ । महिलामाथि हुने सबै प्रकारका विभेद अन्त्य गर्ने निकायको रुपमा सो समितिले काम गर्नेछ ।
नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुक, ट्वीटर र युट्युवमा पनि पच्छ्याउन सक्नुहुनेछ ।
