चुनौती - Naya Online

चुनौती

kaman dewan

कमन देवान


मुखाग्रा पारिएकै हो
लिपिमा पढाइएकै हो
कानुनमा थिचाइएकै हो
मेरो नाममा जारी
राज्यका हरेक उर्दीमा
लेखिएकै हो –
म स्वाँठ, तिघ्रे, खर्पने, जङ्गली ।
मेरो आवादी खोसिँदा पनि
मेरो आजादी साँघुरिदा पनि
नतमस्तक
निरिह हुनुको प्रमाण भएर
मैले चुपचाप सहेरै आएको हो
उसले ममाथि गरेको बर्बरतापूर्ण आतङ्क ।
मेरो सभ्यतामा डढेलो लाएर
उसले तापेको बदलाको आगो
मेरो मर्ममा झिर रोपेर
उसले नाचेको भृङ्गी नाच
सबै सबैलाई प्रतिवाद नै नगरि
मैले मौनतामै मानेकै हो, स्वामि उसलाई ।
उसको महाअष्ठमीमा
मैले भित्तोमा छापेका रक्तपञ्जा
उसको आदेशमा मन नपरि नपरि
मैले सजाएको नगरा निशाना
उसको कैफियतमा नरहला
मेरा भग्नावशेष भित्तोहरुमा
अझै बाँकी छन् अबोध रगतका टाटा ।
उसको मनलाग्दी राष्ट्रतामा
मेरो सभ्यताको अस्मिता लुटिँदा पनि
मेरो संस्कृतिको टुँडिखेलमा
उसले नाचेको घोँडेजात्रा मलाई याद छ
मलाई दास करार गरेर
ऊ महाराज भएको घोषणा मलाई याद छ
उसका अघि म तुच्छ हुनुमा विरोध छैन
उसका अघि म निरिह हुनुमा आक्रोश छैन ।
तर,
बारम्बार भन्छु र भनिरहन्छु
ममाथि थोपरिएको एकल र नश्लीय राष्ट्रता
न हिँजो, नआज र न भोलि
मलाई कहिल्यै सह्य थिएन र छैन ।
जुन राष्ट्रताले मलाई बिरुप बनायो
आवाजविहीन बनायो
पहुँचविहीन बनायो
र, मात्र बाँकी राख्यो
कुपषेणयुक्त मानव कंकालका रुपमा ।
म त्यो राष्ट्रताको शिरमा
घृणायुक्त भावमा मुतिदिन्छु
ओ ! एकात्मक राष्ट्र
यो एउटा उत्पीडितको चुनौति तिमीलाई ।

नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुकट्वीटर र युट्युवमा पनि पच्छ्याउन सक्नुहुनेछ ।



सम्बन्धित शीर्षकहरु

समयले डोरिएको छत्रबहादुर दम्पतीको जीवन

देवेन्द्र सुर्केली भक्तपुर जिल्लाको व्यस्त चोक गट्ठाघर । त्यसको २५ मिटर उत्तरदेखि झण्डै १०,१५...

अन्तर्राष्ट्रिय परदेशी साहित्यिक समूहद्वारा प्रकाशित परदेशी विम्बहरू… लोकार्पित

धरान । अन्तर्राष्ट्रिय परदेशी साहित्यिक समूहले पुस्तक लोकार्पण, परिचर्चा, सृजना बाचन तथा पुरस्कार सम्मान...

जेबी दर्लामीको उपन्यास ‘मारीखोलाको ढुंगो’ सार्वजनिक

काठमाडौंबाहिर बसेर लेखन कर्ममा सक्रिय जेबी दर्लामीको उपन्यास ‘मारीखोलाको ढुंगो’ सार्वजनिक भएको छ। लेखक...

बेलबारीमा गोविन्द हुक्पा चोङबाङको ‘मायाको सृष्टि’ विमोचित

मोरङ । बेलबारी नगरपालिकाका मेयर दिलप्रसाद राईले तेश्रो पटक धाननाच्न पुगेको स्मरण गरेका छन्...

विक्रम याक्खाको ‘झुटकाे पुलिन्दा’ लघुकथा सङ्ग्रह लोकार्पण

काठमाडौं । लघुकथा समाज नेपाल काेशी प्रदेशले आज राजधानीमा आयाेजना गरेकाे लघुकथा विमाेचन कार्यक्रममा...

प्रवीण पुमाको सुम्निमा नाटकमा मिथक

आनन्दबहादुर राई १ परिचय नाट्यकर्मी प्रवीण पुमाको सुम्निमा नाटक सर्वप्रथम विं सं. २०५० मा...

रचनाले न्याय पाएपछि…..

देवेन्द्र सुर्केली जब नेपाली चलचित्र जारीको टिजर सार्वजनिक भयो, तब बेलबारी मोरङ निवासी गोविन्द...

सुदिप पुर्कुटि ‘लुरे/रुन्चे’ को दुई मुक्तक –

सुदिप पुर्कुटि ‘लुरे/रुन्चे’ (१) स्वार्थि दुनियाँमा हिड्दा हिड्दा थाकेकाे मात्रा हुँ म अधिकाशं मुन्छेहरु...

केपी शर्मा ओलीका प्राज्ञिक सम्बोधनको पुस्तक तयार

काठमाडौं । नेकपा एमाले अध्यक्ष तथा पुर्वप्रधानमनत्री केपी शर्मा ओलीका प्राज्ञिक सम्बोधनको पुस्तक प्रकाशन...

एडभेन्चर ट्रेक चाहनेहरूका लागिः ‘ग्रेट हिमालय ट्रेल’

निनाम लोवात्ती हाम्रो देशमा विदेशी पर्यटकहरू भ्रमणमा आएका वेला आँखाले प्रत्यक्ष हेर्ने, देख्ने, अनुभव...