काठमाडौ, ११ असार । कुनैबेला परिवारको अस्वीकृतिमै पाण्डवलगायत चलचित्रमा अभिनय गरेकी रोमियन लिम्बू वनेमले बेलायत पुगिन् । लामो समय घरगृहस्थीमै बिताएता पनि ‘नागबेली’ जस्तो बहुप्रतिक्षित चलचित्र निर्माण गरेर यस क्षेत्रमा फर्किन् । लगत्तै ‘भूपू लाहुरे’ चलचित्रमा अभिनय गरेकी उनी म्युजिक भिडियो ‘तागानु हाङजाङ’मार्फत देखिँदैछिन् ।
‘तागानु हाङजाङले’ राजू आङदेम्बेको शब्द गायीका जसोदा सुब्बाको स्वर, निर्देशक लोकेन साबा, क्यामेरा अर्जुन तिवारी समुहद्वारा काठमाडौको बिभिन्न ठाउँमा छायाङकन गरिएको छ भने भिडियो साउन पहिलो हप्ताभित्र सार्वजनिक हुनेछ ।
बेलायत बस्दै आईरहेकी रोमियन लिम्बू छोटो छुट्टीमा नेपाल बसाईको समयलाई सदुपयोग गर्दै उक्त भिडियो अभिनय गरेकी हुन् । आफ्नो भाषा लिपी र संस्कृतिलाई जगेर्ना गर्न मरिहत्ते गर्ने उनले अन्य म्युजिक भिडियामा पनि अभिनय गरिसकेकी छिन् । आगामी दिनमा अभिनय नगरेर नेपाली चलचित्र साथै लिम्बु चलचित्र समेत निर्माण गर्ने बताएकी छिन् ।
तस्वीरः सुक तुम्रोक
नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुक, ट्वीटर र युट्युवमा पनि पच्छ्याउन सक्नुहुनेछ ।
