सन्देश सुब्बा/१० असार
पाँचथर/विगतका वर्षको तुलनामा जिल्लामा मानवअधिकार उल्लङ्घन र हनन्का घटनामा कमि आएको एक तथ्याङ्कले देखाएको छ । अनौपचारिक सेवा केन्द्र (इन्सेक) ले शुक्रबार फिदिममा सार्वजनिक गरेको तथ्याङ्कले यस्तो देखाएको हो ।
गत वर्षको पहिलो ६ महिनामा जिल्लामा २४ वटा मानव अधिकार विरुद्धका घटना घटेकोमा यो वर्ष १९ वटा मात्र त्यस्ता घटना पाइएको छ । तीमध्ये राज्य पक्षबाट २ वटा र गैर राज्यपक्षबाट १७ वटा घटना घटेको हो । ती घटनाहरूमा नागरिक तथा राजनीतिक अधिकारका ३, महिला अधिकारका ८ र वाल अधिकार विरुद्धका ८ वटा घटना रहेका छन् । पीडित हुनेमा पूरुष भन्दा महिला बढी रहेका छन् ।
मानव अधिकार उलङ्घनका घटनामा कमि आउँनुमा नागरिकहरूमा चेतनाको स्तर बढ्नु सँगै यस्ता घटनाका दोषीलाई कानूनी कठघरामा उभ्याईनु प्रमुख कारण रहेको बताइएको छ । मानवधिकार वर्ष पुस्तक २०१७ को अर्धवार्षिक पूर्व समिक्षा कार्यक्रम अन्तर्गत इन्सके प्रतिनिधि मंगल बेघाले सो तथ्याङ्क प्रस्तुत गरेका हुन् ।
कार्यक्रममा जिल्लास्थित राजनीतिक दल र सुरक्षा निकाय र अधिकारवादी संघ–संस्थाका प्रमुख तथा प्रतिनिधि र पत्रकारहरूको सहभागिता रहेको थियो ।
नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुक, ट्वीटर र युट्युवमा पनि पच्छ्याउन सक्नुहुनेछ ।
