अनलाइन निर्देशिका संशोधन गर्न सरोकारवालाको सुझाव - Naya Online

अनलाइन निर्देशिका संशोधन गर्न सरोकारवालाको सुझाव

काठमाडौँ, ८ असार । सरकारले ल्याएको अनलाइन सञ्चालन निर्देशिका– २०७३ लाई यथास्थितिमा कार्यान्वयन नगर्न सरोकारवालाले माग गरेका छन् ।

नेपाल पत्रकार महासङ्घले यहाँ आज आयोजना गरेको छलफल कार्यक्रममा सहभागीले सो निर्देशिकाका संविधानमा बाझिएका बुँदा हटाउन माग गरेका हुन् । निर्देशिका ल्याउनुभन्दाअघि पर्याप्त छलफल नगरिएको र अनलाइन मिडियालाई नियन्त्रण गर्ने कतिपय बुँदा रहेको सहभागीको गुनासो थियो ।

महासङ्घका अध्यक्ष डा महेन्द्र विष्टले मिडियालाई नियमन गर्न आफूहरु तयार रहेको तर नियन्त्रण गर्ने मनसायले आएको निर्देशिकालाई महासङ्घले स्वीकार गर्न नसक्ने बताउँदै संविधानतः सुनिश्चित भएको प्रेस तथा अभिव्यक्ति स्वतन्त्रताको अधिकारलाई समेत निर्देशिकाले कुण्ठित गर्ने काम गरेको गुनासो गर्नुभयो ।

महासङ्घका पूर्वमहासचिव ओम शर्माले निर्देशिकामा गम्भीर त्रुटि र निरंकुशतावादी सोच देखिएकाले त्यसको फिर्ता गर्नुको विकल्प नरहेको बताउनुभयो । पञ्चायती शैलीभन्दा पनि कठोर निर्देशिका लोकतान्त्रिक सरकारले ल्याउनु विडम्बनापूर्ण रहेको भन्दै शर्माले खारेजीको माग गर्नुभयो ।

सञ्चार मन्त्रालयका सञ्चारविज्ञ मातृका पौडेलले निर्देशिका निर्माण गर्दा पर्याप्त मात्रामा सरोकारवालासँग छलफल हुन नसके पनि यसमा संशोधनका विषयमा सुझाव दिन महासङ्घलाई आग्रह गर्नुभयो ।

सञ्चार विज्ञ पवन आचार्यले मिडियाले गल्ती गरेमा सरकारले त्यसलाई नियन्त्रण गर्ने, खारेजसम्म गर्नसक्ने प्रावधान संविधानमा भएको व्यवस्थाको ठाडो उल्लङ्घन गरेकाले स्वीकार गर्न नहुने बताउनुभयो ।

प्रेस चौतारी नेपालका वरिष्ठ उपाध्यक्ष माधव नेपालले बिनाजानकारी, निर्देशिका ल्याइएकाले स्वीकार गर्न नसकिने बताउनुभयो ।
नेपाल प्रेस युनियनका महासचिव अजयबाबु शिवाकोटीले निर्देशिका नियतबस ल्याइएकाले खारेजीको विकल्प नरहेको बताउनुभयो । तत्कालका लागि खारेज गरेर पुनःपर्याप्त छलफल र बहस गरेर पुनर्लेखन गर्नुपर्ने उहाँले सुझाव दिनुभयो । छलफलमा अनलाइन सम्बद्ध संस्थाका प्रतिनिधि, पत्रकार महासङ्घका पदाधिकारी तथा सदस्य, विभिन्न सञ्चार सम्बद्ध सङ्घसंस्थाका प्रतिनिधिको सहभागिता रहेको थियो ।

नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुकट्वीटर र युट्युवमा पनि पच्छ्याउन सक्नुहुनेछ ।



सम्बन्धित शीर्षकहरु

लिम्बू भाषाको पालाम ‘फेदाप हाङ्साम्’को छायांकन सम्पन्न

मंसिर ५, तेह्रथुम । लिम्बू भाषाको पालाम ‘फेदाप् हाङ्साम्’ छायांकन सम्पन्न भएको छ ।...

विक्रम याक्खाको ‘झुटकाे पुलिन्दा’ लघुकथा सङ्ग्रह लोकार्पण

काठमाडौं । लघुकथा समाज नेपाल काेशी प्रदेशले आज राजधानीमा आयाेजना गरेकाे लघुकथा विमाेचन कार्यक्रममा...

उर्लाबारीमा डिगबाहादुर लिम्बू र शोभा पालुङ्वाको सम्पर्क कार्यालय स्थापना

उर्लाबारी । नेपाल सरकारका युवा तथा खेलकुद मन्त्री डिगबहादुर लिम्बु र सोही क्षेत्रकी प्रदेश...

किरात याक्थुङ चुम्लुङ् युएइको सातौं अधिवेशन सम्पन्न, अध्यक्षमा कमल लावती निर्वाचित

असोज २३, काठमाडौ । किरात याक्थुङ चुम्लुङ युएइको सातौँ अधिवेशन सम्पन्न भएको छ ।...

फिदिममा ‘रीत’को भव्य प्रदर्शन

असोज ११, पाँचथर । लिम्बू कथानक चलचित्र ‘रीत’ को बिशेष प्रदर्शनी भएको छ ।...

संघीय लिम्बुवान सामाजिक मञ्च युएइको अधिवेशन सम्पन्न, अध्यक्षमा भिम अधिकारी निर्वाचित

असोज १५, काठमाडौ । संघीय लिम्बुवान सामाजिक मञ्च, युएइको अध्यक्षमा भिम अधिकारी निर्वाचित भएका...

चलचित्र ‘थत्थामा’को छायांकन सुभारम्भ

असोज ११, पाँचथर । नेपाली कथानक चलचित्र ‘थत्थामा’को छायांकन सुभारम्भ भएको छ । शुक्रवार...

हङ्कङमा पहिलोपटक ‘हाक्पारे पालाम साँझ’ हुँदै

असोज ११, काठमाडौ । हङ्कङमा पहिलोपटक ‘हाक्पारे पालाम साँझ २०२३’ आयोजना हुने भएको छ...

संविधान दिवसमा सहभागी नहुन आदिवासी जनजाति महासंघको निर्देशन

२ असोज २०८०, पाँचथर । नेपाल आदिवासी जनजाति महासंघ जिल्ला समन्वय परिषद पाँचथरले संविधान...

नेपाल प्रहरीका एआईजीहरुको सरुवा

काठमाडौँ, ४ भदौ । सरकारले नेपाल प्रहरीका प्रहरी अतिरिक्त महानिरीक्षक (एआईजी)हरुको सरुवा गरेको छ।...