मिना खापुङ
मेरो पसिनाले काबुल सिचिन्दा
बालुवामा क्याटस मात्रै होईन
यहाँ मोती टिप्दै थिएँ
मेरो परिश्रम, मेहेनत र सहास देखेर
उनिहरु भित्र भित्रै जलनले
कानेखुशी गर्दथे
मेरो निडर, सोजोपनको मूल्य तिरेर
उनीहरु
१२ महिना २४ घण्टा निर्धक्क
चैनले सुत्दथे खादै, पिउदै रमाएर
चिल्लो सडक माथि कालो गाडीमा सारै गुड्थे
समय सधै गतिवान, बलवान हुदैन कहिँ
मृत्यु तग्दिरमा कोरिएको सत्यता
मेटिन जति नै खड्को कटेतापनि
आज मेरो त्यहि साहसी अंगहरु
आलो रगतको खोलिमा छरपष्ट भई
उही अफगानिस्तानको काबुल रंगिएको छ !
लाखौ सपनाहरु फुल्न नपाई
प्रियसीको सिउदो उजाडिएको छ
मायालु पिता बिरानो देशमा उतै गुमेको छ
आमाको कोख रितिएर
बाबाको काध थाम्ने छोरा
चिरनिन्द्रामा सदा सदालाई लिन भैदिएछ !
मोराहाङ, तेह्रथुम (हाल हङकङ)
नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुक, ट्वीटर र युट्युवमा पनि पच्छ्याउन सक्नुहुनेछ ।
