काठमाडौं, असार ७ गते । मृगौलारोगी ललिता सुब्बा (चाम्लिङ)को सहयोगार्थ यहि असार ३१ गते राष्ट्रिय नाचघर जमल काठमाडौंमा ‘बृहत् सांस्कृतिक कार्यक्रम– २०७३’ हुने भएको छ ।
चर्चित गायकगायिकाहरु राजेश पायल राई, रामकृष्ण ढकाल, कुन्ती मोक्तान, दीपक लिम्बू, रुपकुमार राई, मेलिना राई, गणेश इशारा, मेनुका राई, डिजराज पौडेल, मनु नेम्बाङ, प्रविन राई आदिको सहभागिता हुँदैछ । त्यसैगरी मोडल गीता राईको आकर्षक नृत्यसमेत कार्यक्रममा विशेष प्रस्तुतिको रुपमा हुनेछ ।
हिलटोन म्युजिक सेन्टर प्रालिको आयोजनामा हुँदै गरेको कार्यक्रममा संयोजक गणेश इशारा हुन् । कार्यक्रमलाई साहस राईले सञ्चालन गर्नेछन् । कार्यक्रमको लागि टिकट इना म्युजिक तथा फिल्म्स् प्रा.लि.ले सहयोग गरेको छ ।
४४ वर्षीया मृगौलारोगी ललित सुब्बा निकै लामो समयदेखि विरामी छिन् । उनी गायक तथा संगीतकार कुल्वा सुब्बाको अर्धाङ्गीनीसमेत हुन् ।
नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुक, ट्वीटर र युट्युवमा पनि पच्छ्याउन सक्नुहुनेछ ।
