काठमाडौं । नेपाली कथानक चलचित्र पार्सलको एक गीत आज यूट्यूवबाट रिलिज गरिएको छ । अन्जु पन्त, भिषण राई, सञ्जय तुम्रोक र डेभिड शंकरको स्वरमा रहेको गीतलाई ओएसआर डिजिटलमार्फत प्रिमियर गरिएको हो ।
‘क्रिम पाउडर छपक्कै लाकी छु, श्रृङ्गार पट्टार गरेर धपक्कै भाकी छु’ बोलको गीतमा नीता ढुंगाना, किशोर खतिवडा, किशोर सम्बाहाम्फे आदिलाई देख्न पाइन्छ । गीतलाई दयाराम पाण्डेले रचना गरेका हुन् भने संगीत विकास चौधरीले गरेका हुन् । भिडियोमा गोविन्द राईको कोरियोग्राफर, युवराज राईको छायांकन र प्रज्वलित पराजुलीको सम्पादन रहेको छ । चलचित्रलाई रविन श्रेष्ठले निर्देशन गरेका हुन् ।
रोशनी चलचित्र प्रोडक्सनको लागि किशोर सम्बाहाम्फेद्वारा प्रस्तुत तथा दक्षकुमार राईको कार्यकारी निर्माण रहेको चलचित्र पार्सल प्रदर्शनमा आउने मिति कुरेर बसेको छ ।
विदेशबाट आउने जुनसुकै कुरा पनि पार्सल रहेको र कुनैबेला पार्सल साटिन पुगे त्यसले के कस्तो असर देखाउँछ त भन्ने कुरालाई चलचित्रले समेटेको छ । यसै महिना हङकङमा प्रदर्शन हुन गइरहेको चलचित्र सिंगापुर, मलेसिया, बु्रनाईपश्चात नेपालमा प्रदर्शन गर्ने अभिनेता तथा निर्माता किशोर सम्बाहाम्फेले जानकारी दिएका छन् ।
भिडियो हेर्नुहोस् ।
नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुक, ट्वीटर र युट्युवमा पनि पच्छ्याउन सक्नुहुनेछ ।
