कालीकोट, ७ असार । डोल्पाको लिखु गाविसस्थित सिउडनी गाउँ नजिकैको भिरबाट ठूलो भेरी नदीमा खसेर एक जना बेपत्ता भएका छन् ।
बेपत्ता हुनेमा सर्मी गाविस–८ का ५५ वर्षीय नरबहादुर बूढा (क्षीतिज) रहेको उहाँका भतिजा जयप्रसाद बूढाले जानकारी दिनुभएको छ ।
सोमबार साँझ बाटोमा चारजनाको समूहमा हिँडिरहेका थियौँ, मृतक अन्यभन्दा करिब चार किमी पछिपछि हिँडिरहेका थिए आफूभन्दा पछाडि रहेका उनी चिच्याएपछि के भयो भन्दै जाँदा मृतकको झोलासहित उनी ठूलो भेरीमा खसेको देख्यौँ बचाउनका लागि पछिपछि दौडँदै गर्दा ठूलो भेरीको बहाव ठूलो भएकाले उहाँ त्यहीँ पानीमा हराउनुभयो, बूढाले भन्नुभयो ।
हामी नेपालगन्जबाट डोल्पा जानकालागि टिकट लिएका पनि प्लेन नउडेपछि गोमा एयरलाइन्सको टिकट क्यान्सिल गरेर हिँड्यौँ, यदि सो प्लेन उडेको भए यो घटना नहुन सक्थ्यो, उहाँले भन्नुभयो ।
मृतक नयाँ शक्ति नेपालका कार्यकर्ता समेत रहेको उहाँका भतिजाले जानकारी गराउनुभएको छ । घटनाबारे प्रहरीलाई जानकारी गराइएको छ ।
नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुक, ट्वीटर र युट्युवमा पनि पच्छ्याउन सक्नुहुनेछ ।
