बिपेन उलङगे

क्वालालम्पुर । मरु –२ रुकुमकी गरिब क्यान्सर पिडित ९ बर्षिया बालिका निर्मला ओलीको सहयोगार्थ “निर्मला बचाऔ फेसबुक अभियान” अन्तर्गत दोस्रो पटक सहयोग पठाईएको छ । मलेसियाको विभिन्न स्थानबाट समीर ओली, वीरसिंह बुढा, विकास विक र बसन्त बांठा मगरको सक्रियतामा उठेको सहयोग रकम रू –९४,०८७।– पहलकर्ता मखमली युवा क्लबका मरु–२ का सहसचिव रमेश ओलीको नाम पठाईएको छ ।
यसका साथै पहिलो चरणको सहयोग स्वरुप बिपेन उलङगे र दिबेश बांठाको सक्रियतामा उठेको रू. ५१,५००।– पनि रमेश ओलीको नाममा पठाईएको थियो ।
पीडितको पारिवारिक आर्थिक अवस्था निकै कमजोर रहेकोले उनको उपचारको लागि गाउँमा ऋण खोज्दा पनि कसैले पत्याउने अबस्था छैन । “छोरि बाँच्नका लागि छट्पटी रहेकी छे तर हामीले केही गर्न सकिरहेका छनौं ।” आमा देउमा ओलीले भक्कानिएर भनिन् । “अहिले बिदेशबाट गाउका युवाहरुले सहयोग अभियान चलाएर सहयोग गर्ने भनेपछि केही आशा र हिम्मत जागेर आयो” निर्मलाको बाबू शसिराम ओलीले बताए ।
पहिलो पटक उनको उपचार नेपालगन्ज मेडिकल कलेजमा गराइएको थियो । त्यहाँ उपचार हुन नसक्ने भएपछि चितवनमा ‘रिफर’ गरियोको थियो । तर चितवनमा भर्ना गर्नु त के, घर फर्कने भाडासमेत नहुँदा त्यहाँका नर्सहरूले पैसा सङकलन गरेर घर पठाएका थिए ।
करिब चार महिना अघि उनको खुट्टामा क्यान्सर भएको थाहा भएको हो । अहिलेसम्म दुई लाख जति ऋण गरेर उपचार गरेपनि अझै उनलाई उपचार खर्च करिब ४÷५ लाख लाग्ने उनको बुबाले बताए । चितवन अस्ति नै लाने भनिएपनि आर्थिक अभावका कारण अझै लान नसकिएको र मलेसियाबाट बिपेन उलङगे, वसन्त मगरको फेसबुक अभियान अन्तर्गत समीर ओली, बिपेन उलङगे, बिरसिङ बुढा, वसन्त बांठा, विकास बिके, दिबेश बांठा लगायतको सक्रितामा उठेको रकम अहिलेसम्मको जम्मा रू. १ लाख ४५ हजार ५ सय ८७ रुपैयाँ हातलागी भइसकेको हुँदा अब छिट्टै चितवन वा काठमाडौं लगिने कुरा रमेश ओलीले जानकारी दिएका छन् ।