‘कोमामा कोरस’ लोकार्पित - Naya Online

‘कोमामा कोरस’ लोकार्पित

komama corusकाठमाडौँ, ६ असार । लेखक तथा पूर्वविद्यार्थी नेता लेखनाथ न्यौपानेको नयाँ कृति ‘कोमामा कोरस’ नेकपा (माओवादी केन्द्र)का अध्यक्ष पुष्पकमल दाहालले यहाँ आज आयोजित समारोहमा लोकार्पण गर्नुभएको छ ।

रोल्पादेखि सिंहदरबारसम्मको राजनीतिक यात्रामा आधारित २४ लेख रहेको सो संस्मरणात्मक लेखसङ्ग्रहमा जनयुद्धदेखि पछिल्ला घटनामा देखापरेका सबल र दुर्बल पक्षबारे चर्चा गरिएको छ । अध्यक्ष दाहालले पुस्तकमा उल्लिखित कतिपय विषय आफँैमा केन्द्रित भएको छ भन्दै मुलुकको हितका लागि प्रारम्भ गरिएका परिवर्तनबारे ढिलै भए पनि नेपाली समाजले थाहा पाउनेछन् बताउनुभयो ।
उहाँले नयाँ शिराबाट अघि बढ्न गरिएका प्रयासलाई पुस्तकमा समेट्नुपर्नेमा जोड दिँदै साझा प्रकाशनलाई बचाउन एक पटकका लागि रु ४० करोड अनुदान दिन माग भएकामा केही व्यवस्था भए पनि पूर्ण नभएकाले आफूले पुनःपहल गर्ने वचन दिनुभयो ।
कृति प्रकाशक शमी साहित्य प्रतिष्ठानका अध्यक्ष तथा साहित्यकार प्रदीप नेपालले राष्ट्रिय पुँजीवादलाई बलियो बनाउने अभियानको नेतृत्व गर्न सबै कम्युनिस्ट एक हुनुपर्ने बताउँदै यसका लागि नेकपा (एमाले) र नेकपा (माओवादी केन्द्र) अग्रसर हुनुपर्ने सुझाव दिनुभयो ।

साझा प्रकाशनका अध्यक्ष तथा महाप्रबन्धक डोलिन्द्रप्रसाद शर्माले साझा प्रकाशन डुबेको नभई नियोजित रुपले डुबाइएकाले त्यसलाई माथि उकास्न ध्यान दिनुपर्ने बताउनुभयो । साहित्यकार आहुतिले राजनीतिक परिवर्तनका लागि गरिएको जनयुद्धको सबल पक्षको विश्लेषण नगरी उदाङ्गो बनाउने काम मात्र भएको अवस्थामा लेखक न्यौपानेको कृति भावी सर्जकका लागि आधारभूत खजाना हुने विश्वास व्यक्त गर्नुभयो ।

नेपाली काँग्रेसका नेता गुरुराज घिमिरेले नेतृत्व वर्ग विगतको राजनीतिक दर्शनलाई बिर्सदै पथभ्रष्ट हुन थालेकाले लक्ष्यमा पुग्न नसक्ने कुरा पुस्तकमा लेखकले इङ्गित गर्न खोजेका छन् भन्दै यो आलोचनालाई नेतृत्व वर्गले सुझावका रुपमा लिन सक्नुपर्ने बताउनुभयो ।
लेखक न्यौपानेले आफ्नो नवाँै कृतिमा आफूमा रहेको साम्यवादीपन, सिद्धान्त र व्यवहारमा कम्युनिस्ट नेतामा आएको फरकपन, शान्ति सम्झौतापछि नेतामा आएको परिवर्तन, कार्यक्रमको अवस्था नबुझी नेताले बोल्दा खेप्नुपरेको आलोचना जस्ता विषयमा आफूले कलम चलाएको जानकारी दिनुभयो ।

नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुकट्वीटर र युट्युवमा पनि पच्छ्याउन सक्नुहुनेछ ।



सम्बन्धित शीर्षकहरु

साहित्यको माध्यमबाट महिला, बालबालिका तथा विश्व वातावरण संरक्षणको पक्षमा काम गर्न सकिन्छः मन्त्री चौधरी

काठमाडौं । महिला, बालबालिका तथा ज्येष्ठ नागरिक मन्त्री भगवती चौधरीले साहित्यको माध्यमबाट महिला, बालबालिका...

राइफलको नालबाट जीवन नियाल्दा सार्वजनिक

काठमाडौँ । युद्धसाहित्यकार गणेश राईको नवौँ कृति ‘राइफलको नालबाट जीवन नियाल्दा’ संस्मरणात्मक उपन्यासको दोस्रो...

समयको कठघरामा

उमेरका खुड्किलाले तला थप्दै जाँदा प्रश्नहरूको चेपुवामा चेपिदै गएकी तल्लाघरे साइली उभिएकी छिन् समयको...

समयले डोरिएको छत्रबहादुर दम्पतीको जीवन

देवेन्द्र सुर्केली भक्तपुर जिल्लाको व्यस्त चोक गट्ठाघर । त्यसको २५ मिटर उत्तरदेखि झण्डै १०,१५...

अन्तर्राष्ट्रिय परदेशी साहित्यिक समूहद्वारा प्रकाशित परदेशी विम्बहरू… लोकार्पित

धरान । अन्तर्राष्ट्रिय परदेशी साहित्यिक समूहले पुस्तक लोकार्पण, परिचर्चा, सृजना बाचन तथा पुरस्कार सम्मान...

जेबी दर्लामीको उपन्यास ‘मारीखोलाको ढुंगो’ सार्वजनिक

काठमाडौंबाहिर बसेर लेखन कर्ममा सक्रिय जेबी दर्लामीको उपन्यास ‘मारीखोलाको ढुंगो’ सार्वजनिक भएको छ। लेखक...

बेलबारीमा गोविन्द हुक्पा चोङबाङको ‘मायाको सृष्टि’ विमोचित

मोरङ । बेलबारी नगरपालिकाका मेयर दिलप्रसाद राईले तेश्रो पटक धाननाच्न पुगेको स्मरण गरेका छन्...

विक्रम याक्खाको ‘झुटकाे पुलिन्दा’ लघुकथा सङ्ग्रह लोकार्पण

काठमाडौं । लघुकथा समाज नेपाल काेशी प्रदेशले आज राजधानीमा आयाेजना गरेकाे लघुकथा विमाेचन कार्यक्रममा...

प्रवीण पुमाको सुम्निमा नाटकमा मिथक

आनन्दबहादुर राई १ परिचय नाट्यकर्मी प्रवीण पुमाको सुम्निमा नाटक सर्वप्रथम विं सं. २०५० मा...

रचनाले न्याय पाएपछि…..

देवेन्द्र सुर्केली जब नेपाली चलचित्र जारीको टिजर सार्वजनिक भयो, तब बेलबारी मोरङ निवासी गोविन्द...