जीवन देवान गाउँले
गत बर्षको अगष्टमा एनआरएन मलेसियाको राष्ट्रिय अघिवेशन सम्पन्न हुदै गर्दा र सो अघिवेशनले नेतृत्व चयन गर्दै गर्दा मेरो निश्कर्ष थियो – एनआरएनले बाटो बिरायो । तर, तत्कालिन अधिवेशन प्रतिनिधिहरूले बाटो बिरिएको हैन वल्की बाटो बिराएकालाई सही मार्गमा ल्याईएको जिकिर गरे । परिणाम एक बर्ष नपुग्दै देखा पर्यो र पदबाट बर्खास्त गर्ने गरि कै कारबाही गर्नु पर्यो ।
यद्ध्यपी निलम्वित अध्यक्षलाई जुन अभियोगमा कारबाही गरियो, एनआरएनको यस कारबाही प्रति पनि प्रश्न उठान गर्न सकिने केही प्वालहरू देख्न सकिन्छ । जस्तो, अध्यक्ष मार्फत भिषा लगाईएको भनिएकाहरू नक्कलि भिषा वहाक भएको अभियोगमा पक्राउ परेको घट्ना श्रृंखलाबद्ध रूपमा नेपाली छापाहरूमा आए । ति केसहरूमा एनआरएन गम्भिर भएको देखिएन । जसै एनआरएन सचिव पक्राउ परे र एनआरएन सर्कलकै अन्यहरूका पनि सोही प्रकृतिको भिषा लगाईएको ठहर भयो तव मात्रै निलम्बित अध्यक्ष माथि एनआरएन कठोर भएको देखियो ।
खैर, अधिवेशनले चयन गरेको अध्यक्ष महेन्द्रजंग शाहलाई आफ्नै क्याविनेट कार्यसमितिले निलम्वित गरि उक्त पदमा विश्व राईलाई मनोनित गरेको छ । र, राईको पदबहाली संगै यो भन्न सकिन्छ कि एनआरएन मलेसिया घुम्दैफिर्दै रूम्जाटार आईपुगेको छ ।
मैले सम्भावित अध्यक्ष देखेको राईलाई चौथो अधिवेशनको मुखमा चलेको राजनीतिक चालबाजीले अध्यक्षको लाईन-आउट हुन बाध्य बनायो । र, अध्यक्ष पद धुर्त-लोभीहरूको कोर्टमा गयो । फलस्वरूप कार्यकाल पुरा नहुदै दुर्घटना भयो र त्यसको क्षति सिंगो एनआरएनले बेहोर्नु पर्यो । सायद यही दुर्घट्नाबाट पाठ सिकेर हुनुपर्छ एनआरएन पदाधिकारीहरूको सर्वसम्मतीले विश्व राईको नेतृत्वलाई स्विकारेको ।
किनभने, राई तेतिबेलाका कि-प्लेयर हुन जतिबेला एनआरएन मलेसिया भएर पनि नभएको अवश्थामा थियो । तत्कालिन केन्द्रिय उपाध्यक्ष देवमान हिराचनको उपस्थितिमा त्यो अवस्थाको एनआरएनलाई खारेज गरि नया विचार र शीराबाट मलेसियामा एनआरएनलाई पुनरागमन गराउनु पर्छ भन्ने उदेश्यले राईले नै कि-प्लेयरको महत्वपूर्ण भूमिका खेलेका थिए । र, हिराचनको रोहवरमा गठन भएको एनआरएन मलेसिया तदर्थ समितिमा सदस्य, पहिलो र दोश्रो अधिवेशनबाट महा-सचिव, तेश्रो अधिवेशनबाट उपाध्यक्ष को हैसियतमा जिम्मेवारी बहन गरिसक्नु भएका ब्याक्ती हुन -राई । त्यसैले शंकर पौडेल पछि अध्यक्षको दावेदार कोहि हो भने त्यो विश्व राई मात्रै हो भन्ने मेरो जिकिर छ ।
तर, मैले सम्भावित अध्यक्ष देखेको राईलाई चौथो अधिवेशनको मुखमा चलेको राजनीतिक चालबाजीले अध्यक्षको लाईन-आउट हुन बाध्य बनायो । र, अध्यक्ष पद धुर्त-लोभीहरूको कोर्टमा गयो । फलस्वरूप कार्यकाल पुरा नहुदै दुर्घटना भयो र त्यसको क्षति सिंगो एनआरएनले बेहोर्नु पर्यो । सायद यही दुर्घट्नाबाट पाठ सिकेर हुनुपर्छ एनआरएन पदाधिकारीहरूको सर्वसम्मतीले विश्व राईको नेतृत्वलाई स्विकारेको ।
अन्त्यमा : एनआरएन कस्तो प्रकृतिको संम्बाहक भएर मलेसियामा उदाएको हो भन्ने विश्व राईलाई राम्ररी थाहा हुनुपर्छ र एनआरएन मलेसियामा कस्तो प्रवृतिको प्रभाव झॉगिदै छ भन्ने पनि राम्ररी थाहा हुनुपर्छ । त्यसोहुदा राईले कार्यकारी पदमा रहेको बेलानै प्रकृति र प्रवृति विचको भेद खुट्याएर त्यसको बिरूद्धमा उभिनु जरूरी छ । झॉगिदै गएको प्रवृतिलाई रोक्ने रणनीति पनि बेलैमा तय गर्नु जरूरी छ । किनकी सधै रूम्जाटार घुम्दैफिर्दै आफूकहा आईपुग्दैन र रूम्जाटार पुग्ने बाटो नसमाती सधै घुम्दैफिर्दै रूम्जाटार पुगिदैन ।
नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुक, ट्वीटर र युट्युवमा पनि पच्छ्याउन सक्नुहुनेछ ।
