काठमाडौँ, ३ असार । थाइल्यान्डको बैंककमा सम्पन्न १३औँ विश्वमुवाँथाई च्याम्पियनसिपमा नेपालका तर्फबाट सहभागी खेलाडी गुणराज रुचाललाई नेपाल राष्ट्रिय मुवाँथाई सङ्घले ‘मुवाँथाई वर्ष खेलाडी २०७२’द्वारा सम्मान गरेको छ ।
यहाँ विहीबार आयोजित कार्यक्रममा नयाँ शक्ति पार्टी नेपालका युवा तथा खेलकुद विभाग प्रमुख गङ्गानारायण श्रेष्ठ, मुवाँथाई सङ्घका अध्यक्ष गणेश कक्षपति लगायतले उहाँलाई रु १० हजारसहित प्रशंसापत्र प्रदान गर्नुभयो ।
रुचालले विश्व च्याम्पियनसिपमा ६० केजी तौलमा आर्मेनियाका खेलाडीसँग कडा प्रतिस्पर्धा गर्दै तीन राउन्ड खेल खेल्न सफल भएका थिए । विश्वका उत्कृष्ट खेलाडीको सहभागिता रहने सो खेलमा राष्ट्रको नाम उच्च राख्न सफल भएकाले उहाँलाई सम्मान गरिएको सङ्घका अध्यक्ष कक्षपतिले बताउनुभयो । रासस
नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुक, ट्वीटर र युट्युवमा पनि पच्छ्याउन सक्नुहुनेछ ।
