'ठाउँ पाउँदा देशलाई नै लातमार्नु कलाकारको गद्दारी हो' - Naya Online

‘ठाउँ पाउँदा देशलाई नै लातमार्नु कलाकारको गद्दारी हो’

मनिषा थापा ‘तोर्पिनी’

 manisha thapa1

(धादिङ जिल्ला घरभई हाल राजधानीमा बसोवास गरिरहनु भएकी कलाकारिताको क्षेत्रमा नवप्रवेशी मनिषा थापा सँग उहाँको कलाकारिता र त्यसका चुनौतिका विषयमा गरिएको संवादको सम्पादित अंश । मनिषा थापालाई नेपाल टेलिभिजनको हास्य श्रृङ्खला भद्रगोल मार्फत तोर्पिनीको नामले समेत चिन्ने गरिन्छ ।)

कलाकारितामा प्रवेश कसरी भयो ?
म पहिल्यै विद्यालय तहदेखि नै कलाकारिताको क्षेत्रमा निकै रुची राख्ने गर्थें । सानै देखिको कलाकारिताको क्रेजले गर्दा आज मोफसलबाट संघर्ष गर्दै यहाँसम्म ल्याइपुर्यायो ।

manisha thapa

कलाकारिताको यो आज सम्मको यात्राले के दियो ?
म कलाकारिताको पनि रंगमन्चबाट आएको एउटा पात्र हुँ । फिल्मी दुनियाँबाट भन्दा पनि नाटकको पर्दाबाट बाहिर आउनु नै मलाई श्रेयकर लाग्छ । समग्रमा आजसम्म यसले दिएको त सन्तुष्टि नै हो जस्तो लाग्छ ।

कालकारिताको यो पाटो तपाईंको रहर हो कि करियर नै यसमा देख्नुहुन्छ ?
हुन त रहरले नै मान्छेलाई सफलताको उचाईमा लैजाने पक्ष हो । बिना रहरको प्रयासले सार्थकता पनि खासै नपाउँन सक्छ । तर यतिबेलाको नेपाली कलाकारहरूको यो अवस्थालाई हेर्दा म जस्ता नव प्रवेशीहरूको हविगत झन बिजोगलाग्दो पनि छ । समग्रमा मैले आजसम्म सफलताको लागि गरेको रहर हो भने करियरकै सवालमा यो हालतमा नेपाली कलाकारको करियर छैन नै ।

यसरी रहर मात्रै हो भने भोली तपाईँ कलाकारिताको यो संसारमा कतै हराउनु हुने त हैन ?
कलाकारिताको यो क्षेत्रलाई फिल्म र पर्दाको आँखाले हेर्दा त हराउन पनि बेर लाग्दैन तथापि म फिल्म भन्दा पनि रंगमन्चबाट माथी आउने भएको कारणले पनि नाटकको पर्दाले नै मलाई माथी ल्याउँछ न कि सिनेमाले ।

थियटरबाट उकालो लाग्दै गर्दा आफ्नो जीवनको रंग चाहिँ कस्तो देख्नु भयो ?
म नाटकको पात्र भएर पनि मैले जीवनलाई नाटकको संज्ञा दिने गरेको छु । जीवन एउटा मरणोपरान्त खेलिने नाटक हो । कतै सजिव भएर भने त कतै निर्जिव भएर पनि । दुख सुख अनि हाँसो र आँशुको संगम हुने यो जीवन नाटक हो जसको रंग यस्तै हो भनेर किटान गरिहाल्न सक्ने खालको पाइँन मैले ।

तपाईंको मूल्याँकनमा काठमाण्डौ र धादिङको फरकपन के भेट्नुभयो ?
चाँदी र सुनमा के फरक छ भनेको जस्तै हो यो । हुन त यो दुबै धातु त हो महत्व के को बढी भन्ने कुरा मुख्य हुन आउँछ । धादिङमा कलाकारिताको कुनै स्पेश छैन भने राजधानीमा धेरै स्पेश छ फरक भनेकै यही हो ।

हिजोको भद्रोगलमा तोर्पिनीको कन्सेप्ट कहाँबाट आयो नि ?
तोर्पिनीको कन्सेप्ट मेरो होइन । यसमा ठूलो हात भनेको खुपिका बाऊ यानेकी कमलमणी नेपाल दाईको रहेको छ । जब उहाँले भद्रगोलमा आउन भन्नुभयो त्यो बेला मैले कुमार र अर्जुन दाईलाई पनि भेट्न पाएँ । उहाँहरूले पनि मलाई चान्स दिनुभएको हो भन्न चाहन्छु अहिले । तोर्पिनी त मलाई सिरियलमा मात्रै दिइएको एउटा रोल नेम मात्रै हो ।

रिल लाईफ र रियललाईफमा फरक के छ ?
उही पुरानो हात्ती बलियोकी हात्तीछाप चप्पल बलियो भनेजस्तै हो । (…….खित्काको हाँसो….) नर्मल जीवनमा खेल्ने हरेक भूमिकाहरू सजिव बनाएर क्यामेराको अगाडि देखाउने हो । खासै हामीले जीएको जीवन पनि एउटा नाटक हो जहाँ वास्तविकतको पनि झल्को आउने गर्दछ । खासै फरक छैन ।

तोर्पिनी हुँदा त तपाईं तोर्पेको गर्लफ्रेन्ड भएर भूमिका निर्वाह गर्नुभयो । तर वास्तविक जीवनमा कसैको गर्लफ्रेन्ड हुनुभएको छ कि छैन ?
निकै अनकनाउँदै………..खै…..खै…..खै…. हा..हा…हा..

मनिषा थापा आफैँले आफैँलाई कसरी चिनेको छ ?
म एउटा थिएटरको कलाकार हुँ । कलाकारिताको बाटोबाट गन्तव्यको संघर्षमा लागिरहेको छु ।

राम्री हुनुहुन्छ, यो रूपको कत्तिको घमण्ड गर्नुहुन्छ ?
म राम्री छु भनेर मैले कहिल्यै भनेको पनि छैन र व्यवहारमा त्यो देखाएको पनि । मलाई आजसम्म कसैले राम्री भनेको सुनेको पनि छैन बाहेक तपाईं । जसले मलाई राम्री देख्नुहुन्छ, त्यो उहाँको हेराईको कमाल हो । रूपको घमण्ड मलाई छैन ।

कहिलेकाँही केटाहरूले तपाईंलाई देखेर सिटी बजाउँदैनन् ?
कहिलेकाँही ।

नेपाली चलचित्र उद्योगमा तपार्इँजस्ता नवप्रवेशीहरू कस्तो रूपमा अटाएका छन् ?
कलाकार भएर एक्टिङ गरेर नेपाली फिल्म क्षेत्रका कसैको पनि भविष्य गतिलो छैन भने मेरो त के कुरा । यति भनेँ ।

मेसो मिलाएर शो लिएर विदेश हान्निएका कलाकार उतै लुकेर बस्नु राम्रो हो ?
विल्कुलै होइन । त्यो त बेइमानी हो भन्ने मलाई लाग्छ । यो माटोले उसलाई त्यहाँसम्म पुर्याएर ठाउँ पाउँदा देशलाई नै लातमार्नु कलाकारको गद्दारी हो भन्ने मलाई लाग्छ । तर नलुकोस् पनि कसरी र ? देशलाई उसले जीवनका सबै तागतहरू सुम्पेर पनि देशले उसको बिहान बेलुकाको चुल्हो बाल्दैन भने उसले गरेको व्यवहार पनि एक हद सम्म त ठिक हो तर सबै जायज भने होईन ।

फिल्ममा त तपाईंहरू जस्तो नयाँ अनुहारलाई त डाइरेक्टरहरूले प्रयोग गर्छन् भन्ने सुनिन्छ नि ?
हो धेरै डाइरेक्टरहरूको टार्गेट भनेको प्रयोगवादी नै हुन्छ । उनीहरू फिल्ममा नयाँ नयाँ अनुहारहरूलाई स्थान दिने बाहानामा उनीहरूलाई लुटिरहेका हुन्छन् । तर केही यस्ता पनि डाइरेक्टरहरू छन् जसले फिल्मको क्वालिटीलाई ध्यान दिइरहेका हुन्छन् । नयाँ अनुहारको प्रयोगवादी सोच उनीहरूमा हुँदैन । मैले जति संगत गरेको छु, राम्रा डाइरेक्टरहरू नै पाएको छु । यदि प्रयोगवादी डाइरेक्टरसँग संगत गरेको भए आज म पनि डेढ दुई दर्जन फिल्म खेलिसकेको अवस्थामा हुन्थेँ होला ।

यस्तो अवस्थालाई अन्त्य गर्न तपाईंजस्ता महिला कलाकार कसरी लाग्नुपर्ने देखिन्छ नि ?
त्यसको लागि त आपूm र आफ्नो कलाकारीय भविष्य लाई नजिकबाट नियाल्नु जरुरी छ । आफू कसैको प्रयोगमा छु, वा आफ्नो अस्तित्वको सवाल उठाइरहेको छु भन्ने बुझ्नु नै जरुरी छ । यसको सबै भर आफैँमा छ । आफू आफैँमा स्ट्रङ्ग हुने हो भने यो अवस्थाको अन्त्य आफैँ हुन्छ ।

नेपाली राजनीतिलाई कसरी हेर्नुभएको छ ?
भद्रगोल छ, डामाडोल छ । खासै मलाई चासो त लाग्दैन तर पनि राम्रो छैन भन्ने चैँ पक्कै हो । जनताले सुख पाएका छैनन् । रोएर बाँचेका छन् । त्यो चाहिँ देखेको छु ।

यस अनलाइनमार्फत आफ्ना आम दर्शकहरूलाई के भन्नुहुन्छ ?
म नेपाली नाट्य क्षेत्रको कलाकार हुँ । ठूलो पर्दामा भन्दा पनि रियल पर्दामा मैले पर्फम गर्ने हो । मेरो पर्फमलाई हेरेर गाली र ताली दुबै चाहन्छु ।

संवार्ताकार द्वय: प्रकाश परिष्कार/कुमार यात्री रामेछाप ।

नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुकट्वीटर र युट्युवमा पनि पच्छ्याउन सक्नुहुनेछ ।



सम्बन्धित शीर्षकहरु

सर्वनाममा फागुन १७ देखि इन्टरनेशनल पिपुल्स थिएटर फेस्टिभल

काठमाडौंको कालिकास्थान स्थित सर्वनाम थिएटरमा फागुन १७ गतेदेखि इन्टरनेशनल पिपुल्स थिएटर फेस्टिभल सुरु हुँदैछ...

जीवन बीमासम्बन्धी सचेतनामूलक भिडियो ‘समय’

काठमाडौं । इन्स्योरेन्स खबरको प्रकाशक क्यापिटल न्युज नेटवर्कले जीवन बीमासम्बन्धी सचेतनामूलक अर्को एउटा श्रव्यदृश्य...

बबिना भट्टराईको स्वर संगीत तथा शब्दमा ‘बिर्सिएर तिमीलाई’ सार्वजनिक

काठमाडौः बबिना भट्टराईको स्वर, संगीत तथा शब्दमा सुमधुर एवं मार्मिक गीत ‘बिर्सिएर तिमीलाई’ सार्वजनिक...

अर्जुन गुरुङको स्वरमा ‘पिरतीको डोरी’ सार्वजनिक

काठमाडौँ । गायक अर्जुन गुरुङ र गायिका लक्ष्मी परियारको स्वरमा ‘पिरतीको डोरी’ सार्वजनिक भएको...

हङकङमा रुक्साना, लक्ष्मी र राजनले न्यू इयर इभमा प्रस्तुति दिने

हङकङमा गायिका रुक्साना लिम्बु, गायिका तथा अभिनेत्री लक्ष्मी योङहाङ र राजन पंधाकको सांगीतिक कार्यक्रम...

‘कोइली बनैमा’ गीत सार्वजनिक

काठमाडौं । गायक दिपेश बिष्टको नयाँ गीत कोइली बनैमा सार्वजनिक भएको छ । डम्बर...

फिल्म साउथ एसिया महोत्सवको चौथौ संस्करण आजदेखि

काठमाडौं । फिल्म साउथ एसिया महोत्सवको चौथौ संस्करण आजदेखि ललितपुरको यलमाया केन्द्रमा सुरु हुँदैछ...

गीतकार आङ्बुहाङको चार म्युजिक भिडियो सार्वजनिक

काठमाडौँ– गीतकार कल्पना आङ्बुहाङको चार गीतको म्युजिक भिडियो सार्वजनिक भएको छ । शनिबार जमलस्थित...

नवीन सुब्बा र दयाहाङ राई अमेरिका प्रस्थान

काठमाडौं । निर्देशक नवीन सुब्बा र अभिनेता दयाहाङ राई अमेरिका प्रस्थान गरेका छन् ।...

चौथो नेपाल आदिवासी जनजाति चलचित्र महोत्सवमा सुगुपलाई चार अवार्ड

काठमाडौँ । लिम्बू संस्कृतिमा आधारित चलचित्र ‘सुगुप’ले ४ वटा अवार्ड प्राप्त गरेको छ ।...