इलाम, ३१ जेठ । लामो तयारीपछि सदरमुकाममा ब्लड बैंक सञ्चालन हुने भएको छ ।
नेपाल रेडक्रस सोसाइटीमार्फत पा“च वर्षअघि निर्मित भवनमा ब्लड बैंक सञ्चालन हुन लागेको हो । जिल्लामा आकस्मिक रक्तसञ्चार सेवामार्फत अभाव टारिँदै आएको छ । जिल्ला अस्पतालको क्षमता वृद्धिस“गै व्यवस्थित ब्लड बैंकको आवश्यकता भएको हो ।
विभिन्न दाताबाट रकम सङ्कलन गर्दै रेडक्रसले ब्लड बैंकका लागि भवन निर्माण गरेको छ । रु २८ लाख २६ हजारको लागतमा नारायणस्थानमा भवन निर्माण भएर पनि लामो समयसम्म सेवा सञ्चालन नहुँदा उपचार सेवा प्रभावित हु“दै आएको थियो ।
कतिपय दाताले कबोलेको रकम नदिँदा सेवा प्रदान गर्न ढिलो भएको रेडक्रसले जनाएको छ । “दाताले कबोलेको रकम नदिँदा निकै कठिन भएको छ”, रेडक्रसका सदस्य रतन चौधरीले भन्नुभयो – “तर पनि आवश्यकता बढ्दै गएकाले चा“डै सञ्चालनको तयारीमा छौँ ।”
ब्लड बैंकका लागि जर्मन दूतावासले रु १४ लाख १८ हजार बराबरको अनुदानमा सामग्री खरिद गरेको छ । ती सामग्री काठमाडौँ आइसकेका छन् । त्यस्तै शाखाको रु १३ लाख र रेडक्रस लक्जम्बर्गको रु १० लाख ५० हजारको लागतमा सम्पूर्ण सामग्री खरिद गरिसकिएको लेखापाल वसन्त तिम्सिनाले बताउनुभयो ।
अब सदरमुकाम ल्याएर जडान गर्न मात्र बा“की रहेकाले साउनभित्रमा सञ्चालनमा ल्याउने रेडक्रसको तयारी छ । एक प्रविधिज्ञसहित दुई जना कर्मचारी अनिवार्य रूपमा राख्नुपर्ने भएकाले रकमको अभाव रहेको छ । “कबोल गरेर नदिएको रकम रु सात लाख हाराहारीमा छ,” कोषाध्यक्ष विजय कार्कीले भन्नुभयो – “सबै रकम आउने हो भने सेवा सञ्चालनमा केही सहज हुने थियो ।” अक्षय कोष स्थापना गरी कर्मचारी पाल्ने रेडक्रसको योजना रहेको सभापति देवीप्रसाद गौतमले बताउनुभयो ।
जिल्लामा हाल मासिक २० युनिट रगतको आवश्यकता रहेकामा अस्पतालको क्षमता विस्तारसँग खपत बढ्ने पक्का छ ।
विभिन्न क्षेत्रका विशेषज्ञले सेवा प्रदान गर्ने उद्देश्यले अस्पतालको स्तरोन्नति गरिएको हो । रक्तदानबाट सङ्कलन भएको रगत झापा, धरान र विराटनगर पठाइने गरिएको छ ।
नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुक, ट्वीटर र युट्युवमा पनि पच्छ्याउन सक्नुहुनेछ ।
