दोलखा, ३० जेठ । होटलमा साना साना बालबालिकालाई प्रयोग गरी काम लगाएको जनाउँदै यहाँका तीन होटलबाट तीन बालमजदुरको उद्धार गरिएको छ ।
उद्धार भएकामा होटल गौरी होराइजन, चरीकोट चरीघ्याङबाट १४ वर्षीय तुलामान थामी, रेसिका मिठाइ चाट भण्डार बीचबजारबाट १४ वर्षीय चन्द्र नेवार र होटल जेनियल चरीघ्याङबाट १२ वर्षीय तुलमान थामी छन् ।
उनीहरु सबैको घर कालिञ्चोक गाविस रहेको बताइएको छ । उनीहरुको उद्धारका लागि महिला तथा बालबालिका कार्यालय, जिल्ला प्रहरी कार्यालय, प्लान इन्टरनेसलन नेपाल लगायत सङ्घसस्थाको सहभागिता थियो ।
उद्धार गरिएका बालबालिकालाई केही दिनका लागि गैरसरकारी संस्थाले राख्ने प्लान नेपालका प्रमिला अधिकारीले जनकारी दिनुभयो ।
नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुक, ट्वीटर र युट्युवमा पनि पच्छ्याउन सक्नुहुनेछ ।
