जेष्ठ २९ । गैरआवासीय नेपाली संघ मलेसियाको अध्यक्षमा विश्वविक्रम राई मनोनित भएका छन् । शनिबार क्वालालम्पुरमा बसेको संघको बैठकले रिक्त रहेको अध्यक्ष पदमा राईलाई मनोनयन गरेको हो ।
संघका अनुसार ठगीको विभिन्न आरोप लागेपछि संघले गत अप्रिल महिनामा तत्कालीन अध्यक्ष महेन्द्रजंग शाहलाई निस्कासन गरेपछि उक्त पद रिक्त थियो । गतवर्ष अगष्टमा सम्पन्न अधिवेशनबाट अध्यक्षमा निर्वाचित भएको करिब ८ महिनामै शाह कारबाहीमा परेका थिए । शाहीलाई निष्काशन गरेपछि रिक्त रहेको स्थान पूरा नहुञ्जेल पूर्व अध्यक्ष शंकरबहादुर पौडेलले नै सम्हालेको थिए ।
हाल मनोनित भएका राई संघको स्थापनाकालदेखि सक्रिय रहँदै आएका छन् । उनी यसअघि संरक्षक, उपाध्यक्ष र महासचिव रहिसकेका व्यक्ति हुन् ।
नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुक, ट्वीटर र युट्युवमा पनि पच्छ्याउन सक्नुहुनेछ ।
