काठमाडौँ, १० जुन २०१६ । लिम्बु साहित्यका प्रथम निबन्धकार सर्वश्री शुखराज (एसआर) खजुम आज एक विशेष समारोह बीच बलिहाङ पुरस्कारबाट पुरस्कृत हुनुभएको छ । नेपाल सरकारका उपप्रधानमन्त्री विजय कुमार गच्छेदारबाट उहाँ पुरस्कृत हुनुभएको हो ।

यसका साथै उहाँले आकाशवाणी गान्तोक केन्द्रमा लिम्बु भाषाका वार्ताकारिता, लिम्बु पाठ्यपुस्तकका लागि अनुवाद कार्य गर्नुका साथै सन् १९६७ मा स्थापित अखिल भारतीय किराँत चुम्लु¬ङ दार्जिलिङ संस्थाको संस्थापक सदस्य हुनुका साथै सन् १९८० देखि सिरिजङ्गा याक्थुङ साक्थिम फोजुम्भो, सुक्खिम याक्थुङ साप्सक सङ्जुम्भो जस्ता विभिन्न याक्थुङ संस्थाहरुमा निरन्तर कार्यरत रहँदै सन् २००२ देखि हालसम्म भारतीय लिम्बु महासङ्घको अध्यक्षका रुपमा नेतृत्व गरी याक्थुङ समाजको सवल नेतृत्व प्रदान गर्दै याक्थुङ सभ्यता निर्माणमा विशिष्ठ योगदान पुर्याउनु भएकोमा उहाँलाई यो बलिहाङ पुरस्कार प्रदान गरिएको हो ।