काठमाडों । संघीय जनमुक्ति पार्टीको एकताको पाँचौ राष्ट्रिय महाधिवेशनको अन्तिम तयारी सम्बन्धमा पार्टीमा घनीभूत रुपमा छलफल भईरहेको छ ।
नयाँ संविधान घोषणा पछि राष्ट्र निर्माणका लागि हरेक नेपालीले फरक ढङ्गले सोंच्नु जरुरी छ भन्दै आएको जनमुक्तिले एकताको पाँचौ महाधिवेशन संगै मूलुक निर्माण अभियानमा जनताको वैकल्पिक शक्तिको रुपमा उदयीमान हुने व्यापक तयारी भइरहेको कुरा पार्टीका उपमहासचिव तथा प्रचार विभाग प्रमुख टोप अस्लामीले जानकारी गराउनुभएको छ ।
लोकतान्त्रिक पद्दतिबाट विगत २५ वर्षदेखि आमूल परिवर्तनका मुद्दाहरु जनतामाझ उजागर गर्दै आएको यो शक्तिले मूलकमा स्थापित कतिपय मुद्दाहरुको बारेमा स्वामित्व लिनै पर्ने निष्कर्ष निकालेको छ । एकताको पाँचौ महाधिवेशनको उद्घाटन सत्रमा नयाँ शक्ति नेपालका संयोजक डा.बाबुराम भट्टराई, संघीय गठबन्धनका संयोजक उपेन्द्र यादव, थरुहट तराई पार्टीका भानुराम थारुलाई शुभकामना मन्तव्यका लागि अतिथि वक्ताको रुपमा निमन्त्रणा गरिएको छ । प्रतिनिधिमूलक रुपमा सम्पन्न गर्न लागिएको पार्टीको राष्ट्रिय महाधिवेशनको उद्घाटन धोबीघाट सिद्धार्थ कटेज ललितपुरमा दिनको ठीक १ बजेबाट प्रारम्भ हुनेछ ।
नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुक, ट्वीटर र युट्युवमा पनि पच्छ्याउन सक्नुहुनेछ ।
