प्रकाश पाक्साँवा
तेह्रथुम २४ जेठ, जेष्ठ नागरिकहरुलाई सेवा प्रदान गर्ने उदेश्यले स्वास्थ्य शिबिर यहि जेठ २६ र २७ गते हुने भएको छ ।
तेह्रथुम जिल्लाको छथर सुक्रबारे बजारमा छथर क्षेत्रका ६० माथीका जेष्ठ नागरीकहरुलाई सेवा प्रदान गर्ने उदेश्यले स्वास्थ्य शिबिरको आयोजना गर्न लागीएको जिल्ला बिकास समिती तेह्रथुमका देबेन्द्र निरौलाले बताउनु भएको छ । बिभीन्न रोगले ग्रसित भएका जेष्ठ नागरिकहरुलाई बिभिन्न रोगको परिक्षणका साथै शिबिरमा बिशेषज्ञ डाक्टरहरुको चेकजाँच सँगै निशुल्क रुपमा औषधि प्रदान गरीने निरौलाले बताउनु भयो । जिल्लाको पश्चिमी गाबिसहरुको केन्द्रमा रहेको छथर शुक्रबारेमा २ दिन सम्म सञ्चालन हुने शिबिरमा छथर क्षेत्रका हमरजुङ आङदिम ओख्रे सुदाप फाक्चामारा र पञ्चकन्या गाबिसका जेष्ठ नागरिकहरुले सेवा लिन सक्ने भएका हुन । शिबिरमा जेष्ठ नागरिकहरुलाई सेवा दिन प्रभाबकारी बनाउन गाबिस स्तरीय सरोकारवाला बर्गहरुलाई जानकारी गराई सकिएको जिल्ला बिकास समिती तेह्रथुमले जनाएको छ । शिबिर जिल्ला बिकास समिती तेह्रथुमको आयेजनामा सञ्चालन हुने भएको हो ।
नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुक, ट्वीटर र युट्युवमा पनि पच्छ्याउन सक्नुहुनेछ ।
