इस्लामावाद, १७ फागुन । पाकिस्तानका एकजना पूर्व गभर्नरको हत्यामा सम्लग्न सुरक्षाकर्मीलाई झुण्डाएर मृत्युदण्ड दिइएको समाचार छ ।
पाकिस्तानी राजधानी सहर इस्लामावादमा गभर्नर सल्मान तासिरको सन् २०११ मा हत्या भएको थियो । हत्यामा सम्लग्न हुने मुम्ताज क्वार्दी पाकिस्तानी सुरक्षाबलका अधिकारी दिए ।
उनी इस्लामावादको एक चिया पसलमा चिया पिउन गइरहेका बेला ती सुरक्षाकर्मीले गोली हानी गभर्नर तसिरको हत्या गरेका थिए ।
गभर्नर तसिर पाकिस्तानको विपक्षी दलका एकजना वरिष्ठ नेता थिए भने पाकिस्तानका पूर्व राष्ट्रपति असिफ अलि जर्दारीका हितैषी थिए ।
हत्यारा मुम्ताज क्वार्दी पञ्जाव प्रहरीका कमाण्डो थिए । उनलाई हत्यामा सम्लग्न भएलगत्तै प्रहरी नियन्त्रणमा राखिएको थियो ।
रावलपिण्डीमा रहेको आतङ्कवादविरुद्धका मुद्धा हेर्ने अदालतले उनलाई मृत्युदण्डको सजाय सुुनाएको थियो । उनलाई सोमबार बिहानै रावलपिण्डीमा रहेको आदियाला जेलमा मृत्युदण्ड दिन लगिएको थियो ।
नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुक, ट्वीटर र युट्युवमा पनि पच्छ्याउन सक्नुहुनेछ ।
