बनेपा, १७ फागुन । भूकम्पबाट प्रभावित पशुपालक किसानलाई लक्षित गरेर काभ्रेपलाञ्चोकमा खाद्य सुरक्षा पोषण कार्यक्रम सुरु भएको छ ।
जिल्ला पशुसेवा कार्यालयले जिल्लाको चण्डेनीमण्डन, गैरी, बिसौना, ज्याम्दी र महादेवस्थान गाविसमा पोषण कार्यक्रमअन्र्तगत गोठ निर्माण, बाख्रा वितरण, बङ्गुरका पाठा, कुखुरा चल्ला वितरणलगायतका काम गर्नका लागि स्थानीयस्तरमा समिति गठन गरिएको छ । पशु चिकित्सक मणि सापकोटाका अनुसार कार्यक्रमले पशुपालक किसानलाई जीविकोपार्जन गर्न सहयोग पु¥याउने छ ।
“पोषण कार्यक्रमका लागि रु २२ लाख विनियोजन भएको छ,” उहाँले भन्नुभयो । भूकम्पबाट पशु चौपाया मरेका पशुपालक किसानलाई बाख्रा वा बङ्गुरका पाठा दिने सापकोटाले बताउनुभयो । त्यस्तै पशुसेवा प्रसार कार्यक्रमअन्तर्गत भूकम्पपीडित पशुपालक किसानलाई राहत उपलब्ध गराउन रु पाँच लाख विनियोजन भएको छ । गोठ सुधारका कार्यक्रम देवीटार र पाँचखाल नगरपालिकाका– १५ र १६ वडामा सञ्चालन हुने छ ।
छनोट भएका गाविस तथा नगरपालिकामा रु दुई लाख ५० हजारका दरले रकम वितरण हुने छ । भूकम्पबाट जिल्लामा पाँच हजार ८०० पशु मरेका थिए ।
नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुक, ट्वीटर र युट्युवमा पनि पच्छ्याउन सक्नुहुनेछ ।
