काठमाडौं, १७ फागुन । करिब ९० करोड रुपैयाँ आफ्ना कर्मचारीलाई बोनस बाँड्न लागेको नेपाल आयल निगमलाई सो कार्य रोक्न वाणिज्य तथा आपूर्तिमन्त्री गणेशमान पुनले निर्देशन दिएका छन् ।
सोमबार बिहान मन्त्री पुनले निगमका निमित्त कार्यकारी निर्देशक सुशील भट्टराई फोन गरेर बोनस नबाँड्न निर्देशन दिएका हुन् । यो निर्देशन मन्त्री पुनको दोश्रो हो । मन्त्री पुनले कुनै पनि हालतमा बोनस नबाँड्न निर्देशन दिएका हुन् ।
सरकारको १२ अर्ब रुपैयाँ ऋण तिर्ने अझै बाँकी रहेको निगमले बोनस बाँड्न खाजेसँगै उसको चौतर्फी आलोचना भइरहेको छ । अघिल्लो हप्तामात्रै अर्थमन्त्री विष्णु पौडेलले पनि निगमलाई बोनस नबाँड्न निर्देशन दिएका थिए ।
नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुक, ट्वीटर र युट्युवमा पनि पच्छ्याउन सक्नुहुनेछ ।
