नवलपरासी, १७ फागुन । नवलपरासीका पत्रकार महेशबहादुर थापाकोे ६६ वर्षको उमेरमा निधन भएको छ ।
लामो समयदेखि मधुमेह रोगको बिरामी थापाको रामग्राम–३ स्थित आफ्नै निवासमा आइतबार निधन भएको थियो ।
नेपाल पत्रकार महासङ्घ नवलपरासी शाखाका संस्थापक सदस्य हुँदै कोषाध्यक्षसमेत रहनुभएका थापाले लुम्बिनी अञ्चलकै पत्रकारिता क्षेत्रमा पु¥याउनुभएको योगदानको उच्च मूल्याङ्कन छ ।
परासीबाट प्रकाशित हुने पाल्ही सन्देशबाट पत्रकारिता सुरु गर्नुभएका थापा देशान्तर हुँदै विभिन्न पत्रिकासहित विभिन्न सञ्चारमाध्यममा काम गर्नुभएको थियो ।
थापाका दुई छोरा र दुई छोरी छन् । थापाको आइतबार नै त्रिवेणीधाममा अन्तष्टि गरिएको थियो ।
यसैबीच थापाको निधनप्रति नेपाल पत्रकार महासङ्घसहित विभिन्न पेसागत सङ्घ सङ्गठनले विज्ञप्ति जारी गरी गहिरो दुःख व्यक्त गर्दै थापाको निधनले सिङ्गो पत्रकारिता जगत्मा अपुरणीय क्षति पुगेको जनाएका छन् ।
यसैबीच, काँग्रेसको पुराना कार्यकर्ता साथै नेपाली काँग्रेस नवलपरासीका पूर्व कार्यालय सचिवसमेत रहनुभएका थापाको निधनलाई पार्टीमा ठूलो क्षति पुगेको पार्टी सभापति विष्णु लामिछानेद्वारा जारी विज्ञप्तिमा जनाइएको छ ।
नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुक, ट्वीटर र युट्युवमा पनि पच्छ्याउन सक्नुहुनेछ ।
