पाल्पा, १६ फागुन । उद्योगमन्त्री सोमप्रसाद पाण्डेयले जिल्लाको विकासमा राजनीति नगरेर सबै एकजुट भएर लाग्नुपर्नेमा बताउनुभएको छ ।
प्राकृतिक रुपले धनी पाल्पा, पर्यटन विकासका लागि तत्काल सिद्धबाबा नजिक रहेको सडकको विकल्प खोज्नुपर्ने बताउनुभएको हो ।
जिल्ला विकास समिति पाल्पाको २४औँ परिषद्को उद्घाटन गर्दै मन्त्री पाण्डेयले श्रीनगरडाँडाको व्यवस्थापन गरी पर्यटकलाई आकर्षण गर्न सकिने बताउनुभयो ।
मन्त्री पाण्डेयले उद्योग सञ्चालनका लागि जग्गा खोज्न आग्रह गर्दै बजेटको व्यवस्था आफूले गर्ने आश्वासनसमेत दिनुभएको हो ।
अहिलेको संविधान नेपाकै उत्कृष्ट रहेको भन्दै उहाँले अबको लडार्इं भनेको आर्थिक क्रान्ति र विकास निर्माणका लागि हुनुपर्ने बताउनुभयो ।
कार्यक्रममा सांसदत्रय हरिप्रसाद नेपाल, राधाकृष्ण कँडेल, तुलसा राना, प्रमुख जिल्ला अधिकारी प्रेमलाल लामिछाने, जिल्ला विकास समितिका पूर्वसभापति झपेन्द्रबहादुर जिसी, गैरसरकारी संस्था महासङ्घ पाल्पाका अध्यक्ष भेषराज तिमिल्सेना, नेपाल पत्रकार महासङ्घका अध्यक्ष राजेशकुमार अर्याललगायतले घोषित बजेट तथा कार्यक्रम कार्यक्रम कार्यान्वयन हुन सकोस् भन्ने शुभकामना दिनुभएको थियो ।
स्थानीय विकास अधिकारी कृष्ण पाण्डेको सभापतित्वमा भएको कार्यक्रममा जिल्ला प्राविधिक कार्यालयका प्रमुख इन्जिनियर भिमार्जुन पाण्डेले स्वागत र जिल्ला विकास समितिका वरिष्ठ कार्यक्रम अधिकृत दुर्गा थापाले सञ्चालन गर्नुभएको थियो ।
नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुक, ट्वीटर र युट्युवमा पनि पच्छ्याउन सक्नुहुनेछ ।
