सप्तरी, २१ माघ । नेपाली काँग्रेस राजविराज नगर अधिवेशनले शम्भु देवलाई नगर सभापतिमा निर्वाचित गरेको छ ।
राजविराजस्थित केशरी अ. माविमा बुधबार सम्पन्न अधिवेशनमा ३०९ मत प्राप्त गरी देव निर्वाचित हुनुभएको बताइएको छ । उहाँका निकटतम प्रतिद्वन्द्वीमा रहेका प्रभातकुमार ललनले २२८ मत मात्र ल्याएको काँग्रेस सप्तरीले जनाएको छ ।
यस्तै, सचिवमा शत्रुघनप्रसाद साहले २९५ मत ल्याएर विजय हुनुभएको छ भने उहाँका निकटतम प्रतिद्वन्द्वी दीपक चौधरीले २३३ मत मात्र प्राप्त गर्नुभएको जिल्ला समिति सदस्य उमेश मिश्रले बताउनुभयो ।
कोषाध्यक्षमा मेराज अन्सारी २९२ मत ल्याएर निर्वाचित हुनुभएको बताइएको छ । अन्सारीका निकटतम प्रतिद्वन्द्वी बिमल श्रेष्ठले २२६ मत मात्र प्राप्त गर्नुभएको छ । सदस्यहरुमा दीपनारायण साह, रमेश साह, क्षेत्रीय प्रतिनिधि दलिततर्फ कमल परियार, चन्द्रकला परियार लगायत रहेको काँग्रेस स्रोतले जानकारी दिएको छ ।
सम्पन्न निर्वाचनमा मधेसी÷मुस्लिम÷अल्पसङ्ख्यकतर्फबाट प्रदिम साह, विजयकुमार चौधरी र प्रदीप सिंह निर्वाचित भएको बताइएको छ । नगर अधिवेशनमा कुल ६७५ मतदाता रहेकामा ५६२ मत खसेको र १४ वटा मत बदर भएको निर्वाचन अधिकृत शैलेन्द्र मण्डलले जानकारी दिनुभयो ।
नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुक, ट्वीटर र युट्युवमा पनि पच्छ्याउन सक्नुहुनेछ ।