मुम्बई । मुम्बईमा सम्पन्न स्टार स्क्रिन अवार्डमा अमिताभ बच्चन र रणबीर सिंहले सर्वोत्कृष्ट अभिनेताको अवार्ड संयुक्त रुपमा पाएका छन् । दीपिका पादुकोणे सर्वोत्कृष्ट अभिनेत्री घोषित भइन् ।
शाहरुख खान, सलमान खान जस्ता ठूला स्टारलाई पछि पार्दै रणबीरले बाजीराव मस्तानीबाट अवार्ड पाएका हुन् । पिकुबाट अमिताभ बच्चनले पनि सर्वोत्कृष्ट नायकको अवार्ड पाए भने सोही फिल्मबाट दीपिका पादुकोण सर्वोत्कृष्ट घोषित भइन् । पिकु र तमाशाबाट पिपुल च्वाइसको अवार्ड पनि दीपिकाले नै हात पारिन् ।
सलमान खान अभिनित बजरंगी भाइजानले सर्वोत्कृष्ट फिल्मको अवार्ड पायो भने तलवारले जुरी च्वाइस अवार्ड पाएको थियो । तलवारबाटै इरफान खानले सर्वोत्कृष्ट अभिनेताका लागि जुरी च्वाईस अवार्ड पाए ।
बजरंगी भाईजानका निर्देशक कबीर खानले सर्वोत्कृष्ट निर्देशकको अवार्ड पाए भने सर्वोत्कृष्ट पपुलर अवार्ड शाहरुख खानले पाए । हषर्ाली मल्होत्राले बजरंगी भाइजानवाट सर्वोत्कृष्ट वालकलाकारको अवार्ड जितिन् । तनु वेड्स मनु रिटन्र्सबाट दीपक डोबरियालले सहअभिनेताको अवार्ड पाए ।
हलिउडमा समेत प्रभाव छाड्न सफल पि्रयंका चोपडाले बाजीराव मस्तानीबाट सहअभिनेत्रीको अवार्ड पाइन् । शाहरुख-काजोलको जोडीलाई दिलवालेका लागि सर्वोत्कृष्ट जोडीको अवार्ड दिइएको उक्त कार्यक्रममा ऋषी कपुरलाई लाइफटाइम अचिभमेन्ट अवार्ड दिइएको थियो ।
बजरङ्गी भाइजानले सर्वोत्कृष्ट कथा र पिकुले सर्वोत्कृष्ट संवादको अवार्ड पाएको थियो । कार्यक्रममा बलिउडका चर्चित कलाकारले नृत्य प्रस्तुत गरेका थिए ।
नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुक, ट्वीटर र युट्युवमा पनि पच्छ्याउन सक्नुहुनेछ ।
